भारतीय अपराधी लोरेन्स विस्नोई र अनमोल बिस्नोईको नाम प्रयोग गरी अपराधिक कार्यमा संलग्न एक व्यक्तिलाई इलाका प्रहरी कार्यालय कोहलपुरले पक्राउ गरेको छ ।
विभिन्न अपराधमा संलग्न रहेका राम बहादुर बुढा क्षेत्रीलाई पछिल्लो पटक ह्वाटशपबाट लरेन्स र अनमोल बिस्नोईको नाम लिंदै ५ करोड असुलीका लागि धम्क्याएपछि प्रहरीले पक्राउ गरेको हो । सुर्खेत घर भई कोहलपुर वडा नं. ५ डेरा गरी बस्ने क्षेत्रीले विदेशी नम्बरका ह्वाटश प्रयोग गरेको फेला परेको फेला परेको प्रहरीले जानकारी दिएको छ ।
लोरेन्स विस्नोई र अनमोल बिस्नोईको अपराधिक पृष्ठभूमीः
लोरेन्स बिस्नोई एक भारतीय ग्याङस्टार हुन उनि फिरौती माग्ने तथा हत्या आरोपमा सन २०१४ देखि भारतिय कारगारमा कारागार जिबन विताईरहेका छन जसमा उनलाई २९ मे २०२२ को पंजाबि संगर सिद्दु मुसेवालाको हत्या, भारतीय नायक सलमान खानलाई ज्यान
मार्ने उद्योग गरेको, बाबा सिद्दीकीको हत्या जस्ता आरोप रहेका छन् ।
राम बहादुर बुढाक्षेत्रीको अपराधिक पृष्ठभूिमः
१. इ.प्र. का काँकरभिट्टा झापाबाट मिति २०६१÷०४÷२७ मा ललाई फकाई बिबाह गर्छु भनि नेपाली युवतीलाई काँकरभिट्टा हुँदै भारत तर्फ लगि गएकोमा जिउ मास्ने बेच्ने उद्योग मुद्धा लागेको ।
२. जि.प्र.का झापाबाट मितिः २०६२÷१२÷०८ मा धाक धम्की दिदै सर्वसाधारणबाट चन्दा अशुली गर्ने गरेकोले मुद्धा लागेको ।
३. महानगरिय परिसर काठमाण्डौबाट मिति २०६४÷०५÷०९ मा धाक धम्की दिई मानिसलाई नियन्त्रणमा लिई ट्याक्सीमा राखि फिरौती रकम असुल गरेकोले मुद्धा चलेको।
४. इ.प्र.का छिन्चु सुर्खेतबाट मिति २०६४÷१२÷२७ गते संविधान सभा निर्वाचन २०६४ का उम्मेदवार ऋषि शर्मा प्रचार प्रसार सकेर आउवै गर्दा सुर्खेत मेहलकुना जहरेबजार नजिक लोधे भन्ने स्थानमा निज समेतले गोली हानी मारेको कर्तव्य ज्यान मुद्धा चलेको।
५. २०६५ साल चैत्रमा द्वन्द पिडित सेना प्रहरीको आन्दोलनमा हतियार खोसेको विषयमा काठमाण्डौमा मुद्दा चलेको ।
६. कोटेश्वरको निखिलेश्वर मन्दिरमा शक्ती बहादुर बस्नेतलाई गोली हानेको केशमा ५ वर्ष कैद र रु.६०,०००÷– जरीवाना फैसला भएकोमा उक्त कैद भुक्तान गरी २०७०÷११÷२८ गते कारागारबाट छुटेको ।
२०५९ सालमा नेपाल आर्मीमा भर्ना भई छोटो समय मात्र सेवा गरी त्यहाबाट भागेपछि खाशै कुनै पेशा तथा व्यवसाय नगरेका राम बहादुर बुढा क्षेत्रीले कहिले कुन समुह त कहिले कुन समुहसँग मिलेर वेशको विभिन्न स्थानमा अपराधिक क्रियाकलाप गर्ने गरेको ।