पूर्वप्रधानमन्त्री एवम् नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ले स्व. अशोक कोइरालाप्रति श्रद्धाञ्जली अर्पण गरेका छन् ।
पार्टी उपाध्यक्ष पम्फा भुसाल, लुम्बिनी प्रदेशका पूर्वमुख्यमन्त्री कुलप्रसाद केसी, नेता नरेन्द्र पाण्डे, गोपालप्रसाद अधिकारी, गंगा दाहाल, प्रदेशसभा सदस्य कृष्णा केसी, खजुरा गाउँपालिका अध्यक्ष डम्बर बहादुर बिक लगायत माओवादी केन्द्रका नेता तथा कार्यकर्ताहरू कोइरालाको निजी निवासमा पुगेर श्रद्धाञ्जली अर्पण गरेका हुन् ।
बुधवार पार्टीको तर्फबाट जारी समवेदनामा भनिएको छ, ‘कोहलपुर नगरपालिका वडा नम्बर ११ निवासी नेकपा (एकीकृत समाजवादी) का पोलिटब्युरो सदस्य कमरेड अशोक कोइरालाको २०८१ चैत ११ गते उपचारका क्रममा भएको अकल्पनीय निधनले हाम्रो पार्टी माओवादी केन्द्र परिवारलाई स्तब्ध बनाएको छ, वहाँले राज्य परिवर्तन र समग्र कम्युनिस्ट आन्दोलनमा निर्वाह गर्नुभएको भूमिका अतुलनीय छ ।’
