धुम्रपान तथा सुर्तीजन्य पदार्थको नियन्त्रणमा सञ्चारको भूमिका महत्वपूर्ण रहेको स्वास्थ्य मन्त्रालय लुम्बिनी प्रदेशका सचिब दुर्गा लक्ष्मी श्रेष्ठले बताएका छन् ।
सरोकारवाला तथा सञ्चारकर्मीहरुकालागि जोखिम सञ्चार तथा सहभागिता कार्यक्रम अन्तरगत जिल्ला स्वास्थ्य कार्यालय बाँकेको आयोजना तथा बास नेपालको सहजिकरणमा आज नेपालगन्जमा सम्पन्न कार्यक्रममा बोल्दै सचिब श्रेष्ठले यस्तो बनाएका हुन् ।
आम नागरिकहरुलाई स्वस्थ बनाउन र सुर्तीजन्य पदार्थको बेफाईदाको बारेमा प्रयाप्त सचेतना पुर्याउन सकेमा मात्रै धुम्रपान तथा सुर्तीजन्य पदार्थको नियन्त्रण हुने बताइन् । नेपालमा प्रयाप्त कानुनी ब्यवस्था भएपनि कार्यान्वयन पक्ष फितलो हुदा धुम्रपान र सुर्तीजन्य पदार्थ चुनौतीको रुपमा रहेको उनको भनाई थियो । पछिल्लो समय लुम्बिनी प्रदेशमा नसर्ने रोगको सक्रमण बार्षिक दोब्बरको दरले बृढि भईरहेकोमा त्यसको मुख्य कारण धुम्रपान र सुर्तीजन्य पदार्थको प्रयोग देखिएकाले यसका बिरुद्ध साझाँ अभियान सञ्चालन गर्नुपर्नेमा उनको जोड थियो । आम नागरिकहरुको प्रत्यक्ष स्वास्थ्यसँग जोडिएको बिषय भएकाले सबैको संयुक्त प्रयासबाट मात्रै सम्भव हुने भन्दै सबैले हातेमालो गर्न अनुरोध गरिन् ।
यसैगरी कार्यक्रमका बोल्दै स्वास्थ्य कार्यालय नेपालगन्जका नि. प्रमुख नरेश बाबु श्रेष्ठले संघियता पछि धुम्रपान तथा सुर्तीजन्य पदार्थको प्रयोग बढेको पाईएकाले सबैले जिम्मेवार भएर सोच्ने बेला आएको बताए । जिल्ला स्थित नियमनकारी निकायको चासो र गम्भिर बिषयमा जिम्मेवारीबोध नहुदा समस्या बढ्दै गएको उनको भनाई थियो । उनले सबैलाई अभियान सहभागि हुन अनुरोध गरे । सो क्रममा बोल्दै नेपालगन्ज उद्योग बाणिज्यसँघका उपाध्यक्ष चिरन्जीवी वलीले ध्रुम्रपान तथा सुर्तीजन्य पदार्थको न्यूनीकरणका लागि सरकारी निकायको तदारुकता आवश्यक रहेको बताए । सबै मिलेर यसलाई अभियानको रुपमा अगाडी बढाउन उनको अपिल थियो । छलफलमा होटल ब्यवसायिसँघ बाँकेका पूर्व अध्यक्ष भिम कडेंल, गैसस महासँघ बाँकेका सचिब रमेश सिटौला, पत्रकार मधु पौडेल लगायतले बोलेका थिए ।
बास नेपालका कार्यकारी निर्देशक नमस्कार शाहले सहजिकरण गरेको कार्यक्रममा स्वागत तथा धुम्रपान र सुर्तीजन्य पदार्थको अवस्था र नीतिगत ब्यवस्थाका बिषयमा भेरी अस्पतालका फोकल पर्सन देवनारायण उपाध्यायले प्रश्तुतीकरण गरेका थिए । पत्रकार, ब्यवसायि, युवा लगायत ४० बढीको सहभागिता रहेको कार्यक्रममा धन्यबाद ज्ञापन सहित कार्यक्रमको समापन बास नेपालका केन्द्रीय अध्यक्ष शिव कुमार बर्माले गरेका थिए ।
