एमाले बाँके क्षेत्र नम्बर ३ मा हलचल

आगामी निर्वाचनका लागि उम्मेदवार मनोनयन दर्ता गर्ने अघिल्लो दिन बाँके क्षेत्र नम्बर ३ मा नेकपा एमालेभित्र राजनीतिक हलचल पैदा भएको छ। क्षेत्रीय कमिटीबाट प्रतिनिधिसभा सदस्यका लागि एकल सिफारिस भएका पूर्वमन्त्री दलबहादुर सुनारको टिकट खोसेर एकाएक सुमन मल्ललाई दिएपछि विवादले उग्र रूप लिएको हो।यसरी बदलियो समीकरणयसअघि बसेको क्षेत्रीय समन्वय कमिटीको बैठकले सुनारको नाम सर्वसम्मत रूपमा एकल सिफारिस गरी केन्द्रमा पठाएको थियो। तर, मनोनयन दर्ताको अन्तिम समयमा आएर केन्द्रले मल्ललाई आधिकारिक उम्मेदवार बनाएपछि सुनार पक्ष रुष्ट बनेको छ।पार्टी कार्यालय घेराउटिकट वितरणमा अन्याय भएको भन्दै दलबहादुर सुनार आफ्ना सयौँ समर्थक र दलबलसहित नेकपा एमाले बाँकेको जिल्ला कार्यालय पुगेका छन्। कार्यकर्ताहरूले “एकल सिफारिसको कदर गर”, “टिकट वितरणमा भएको धाँधली खारेज गर” जस्ता नारा लगाउँदै नेतृत्वको निर्णयप्रति आक्रोश व्यक्त गरेका छन्।अन्तरघातको आशङ्का र चेतावनीकार्यालयमा भेला भएका कार्यकर्ताहरूले पार्टीले ग्राउन्डको वास्तविकता नबुझी केन्द्रबाट लादिएको निर्णय आफूहरूलाई मान्य नहुने बताएका छन्। सुनारले पार्टीका लागि लामो समय योगदान दिएको र स्थानीय तहमा बलियो पकड भएको दाबी गर्दै कार्यकर्ताहरूले निर्णय नसच्चिए निर्वाचनमा गम्भीर असर पर्ने चेतावनी दिएका छन्।यस विषयमा जिल्ला नेतृत्वले भने केन्द्रको निर्णय कार्यान्वयन गर्नु आफ्नो दायित्व भएको भन्दै असन्तुष्ट पक्षलाई फकाउने कोसिस गरिरहेको बुझिएको छ। यद्यपि, मनोनयन दर्ताको केही घण्टा मात्र बाँकी रहँदा बाँके ३ को यो विवादले एमालेको चुनावी नतिजालाई कस्तो असर पार्छ भन्ने चासोको विषय बनेको छ।