टुर दि ठाकुरद्वारा : झण्डै ३ सय यात्री

नेपालगन्ज साइकल फेष्टिबल सँगै आयोजना हुने नेपालकै ठूलो मध्येको साइकल यात्रा ‘टुर दि ठाकुरद्वारा’मा यसबर्ष झण्डै तीन सय साइकलयात्री सहभागी हुने भएका छन् । ‘आवश्यक व्यवस्थापनका लागि आजदेखि रजिष्टे«शन क्लोज गर्नुपर्ने बाध्यता छ’, शुक्रबार दैनिक नेपालगन्जसँग कुरा गर्दै आयोजनाका प्रचार संयोजक विष्णु कंडेलले भने, ‘यससँगै फागुन ७–९ सम्म आयोजना हुने नेपालगन्ज साइकल फेष्टिबलको तयारीलाई पनि मूर्त रूप दिइँदैछ ।’