बाँकेमा २१ उम्मेदवारले खोले खाता

आगामी फागुन २१ गते हुने निर्वाचनमा बाँकेका तीन वटा निर्वाचन क्षेत्रका २१ जनाले बैंक खाता सञ्चालनमा ल्याएका छन् । निर्वाचन आयोगले उम्मेदवारलाई निर्वाचन अवधीको कारोबारका लागि छुट्टै बैंक खाता अनिवार्य गरेको छ । ‘यो अनिवार्य व्यवस्था हो, अटेरी गरे कारवाहीको भागी हुनुपर्छ’, पटकपटक उम्मेदवारहरूलाई छुट्टै खाता खोल्न निर्देशक दिइएको जानकारी दिंदै आचारसंहिता अनुगमन जिल्ला समितिका अधिकृत पूर्ण बहादुर खत्रीले भने । सहायक प्रमुख जिल्ला अधिकारी समेत रहेका खत्रीले खाता नखोल्नेहरूलाई पुनः चेतावनी दिइने बताएका छन् । बैंकमा खाता खोल्ने उम्मेदवारहरूमा क्षेत्र नं. २ का दिपेन्द्र विष्ट, मो. इस्तियाक राई, रामचरण चौधरी, जगदीश ढकाल ऋषिराज देवकोटा, विवेक कुमार श्रेष्ठ, शौभाग्यजंग शाह, शैलेन्द्रकुमार कर्ण, महेन्द्र प्रकाश चन्द लगायत रहेका छन्