भारतबाट अवैधरुपमा चाेरी पैठारी गरि भन्सार छलेर नेपालगन्जमा ल्याइएकाे ठूलाे परिणामकाे मासु बरामद भएकाे साता दिन नपुग्दै प्रहरीले साेमबार फेरि एउटा गाेदामबाट ठूलाे परिणाममा सामान बरामद गरेकाे छ । यसले नेपाल-भारत सीमा क्षेत्रबाट हुने अवैध काराेबारलाई सतहमा ल्याइदिएकाे छ ।
साेमबार सशस्त्र प्रहरीले उक्त सामान बरामद गरे पनि सीमा क्षेत्रमा सशस्त्र प्रहरीनै सीमा सुरक्षाका लागि तैनाथ छ ।
एउटा छाड्ने र अर्काेले पक्रने याे संयाेग हाे कि अरु केही ? नागरिक तहमा आशंका व्यक्त गर्न थालिएकाे छ । नेपालगन्ज भित्रिने नाकामै सशस्त्र हुँदा त्यहाँ किन सामान राेकिएन ? याे प्रश्न पनि उब्जिएकाे छ । आज नेपालगन्ज-१२ बाट सशस्त्र प्रहरीले ठूलाे परिणाममा भारतबाट चाेरी पैठारी गरि ल्याएकाे सामान बरामद गर्याे ।
कपडा, चप्पल, बल र ब्याट्रीलगायतका २४ बाेरा र ४० कार्टुन सामान बरादम गरेकाे सशस्त्र प्रहरीले जनाएकाे छ । भन्सार छलेर अवैध चाेरीपैठारी गरी नेपालगन्जकाे एक गाेदामबाट ती सामान बरामद गरिएकाे सशस्त्र प्रहरीले जनाएकाे छ ।
