आज गौघाट ग्रीन रन

धारा नेपालगन्ज म्याराथनको ११ औं संस्करण तयारी शुरु, नाम दर्ता खुलाधारा नेपालगन्ज म्याराथनको ११औं संस्करण घोषणा भएको छ । त्यसका लागि वल्र्ड क्लास धावक केन्यानिवासी जोन केलाई र मिसन नेपाल वल्र्ड २०२३ श्रृष्छा प्रधान धारा नेपालगन्ज म्याराथनको सदभावना दूत नियुक्त भएका हुन् ।आयोजकका अनुसार, धारा नेपालगन्ज म्याराथनको ११औं संस्करण यही मंसिर ६ गते शनिवार हुनेछ । यसका लागि सहभागी खेलाडी नाम दर्ता पनि खुला गरिसकिएको छ ।त्यसक्रममा आज मंगलवार, बाँकेको खजुरामा गौघाट ग्रीन रनको आयोजना पनि गरिंदैछ । त्यसको टिसर्ट सोमवार सार्वजनिक गरिएको छ । आज बिहान खजुराको सितापुरमा हुने गौघाट ग्रीन रनमा सयबढीको सहभागिता निश्चित भएको नेपालगन्ज म्याराथनका संस्थापक टीएस डकुरीले बताए । गौघाट ग्रीन रनको पहिलो संस्करणमा गत वर्ष ४२ जनाले सहभागिता जनाएका थिए ।गौघाटलाई आधार बनाएर गरिएको रोड रेसले वातावरण संरक्षणको सन्देश प्रवाह गर्ने र नेपालगन्ज म्याराथनका लागि खेलाडी तयार गर्ने विश्वास आयोेजकको छ । त्यसक्रममा राप्तीसोनारी रनको आयोजनासमेत गरिनेछ । सोमबार नेपालगन्जस्थित होटल डायमन्ड प्यालेसमा आयोजित बिशेष कार्यक्रममा धारा नेपालगन्ज म्याराथनको चर्चा परिचर्चासँगै नेपालगन्ज उपमहानगरपालिका नगर प्रमुख प्रशान्त बिष्टले सदभावना दुतको कदरपत्र जोन र श्रृच्छालाई हस्तान्तरण गरे ।त्यसक्रममा नगर प्रमुख बिष्टले छोटो समयमै धारा नेपालगन्ज म्याराथनले अन्तर्राष्ट्रिय जगतमा विश्वास आर्जन गर्न सफल भएको बताए । ‘म्याराथन खेल मात्र नभई अब शान्ति सदभाव र एकताको सशक्त माध्यम बनिसकेको छ ।’कार्यक्रममा नेपालगन्ज म्याराथनका टाइटल स्पोन्सर केएल दुगड ग्रुपका सिईओ प्रदीप छाजेडले धारा नेपालगन्ज म्याराथनको मेहनत र प्रतिफलबाट आफुहरु निकै प्रभावित भएको बताए । अझ यसको दायरा बढाउँदै जाँदा आफ्नोतर्फबाट भरपुर सहयोग रहने प्रतिबद्धता उनको थियो ।नेपालगन्ज म्याराथनका ११ औं संस्करणका लागि सद्भावना दूत केन्याका जोनले संसारभरबाट प्राकृतिक सौन्दर्य हेर्न नेपाल आउने गरेकोमा अब म्याराथनका बहानामा समेत आउने धेरै सम्भावना बढेको धारणा व्यक्त गरे । विश्व खेलकुदमा मिनी ओलम्पिक भनेर चिनिने कमनवेल्थ गेम्स २०१०का स्वर्णपदकधारी खेडाली उनले अन्तर्राष्ट्रिय धावकहरुलाई नेपाल ल्याउन आफुले पहल गर्ने प्रतिबद्धता पनि जनाए ।कार्यक्रममा मिस नेपाल श्रृच्छाले पर्यावरणीय संकटलाई सामुहिक प्रयासबाट निकारण गर्नुपर्ने र यसका लागि नेपालगन्ज म्याराथन जस्ता इभेन्ट प्रभावकारी हुने बताइन् । आयोजकले दौडमार्फत पर्यावरण जोगाउन आफुलाई सद्भावना दूत छनोट गरेकोमा उनले खुशी व्यक्त गरिन् ।