बाँके काँग्रेस : नेतृत्वको आलोचना

नेपाली काँग्रेसको विशेष महाधिवेशनलाई लिएर उत्पन्न विवादले जिल्ला स्तरमै उत्कर्षको रूप लिएको छ । बाँकेमा विशेष महाधिवेशनमा सहभागिताको आव्हान गर्दै जिल्ला सभापति नारायण प्रसाद गौडेल र केन्द्रीय सदस्य मैकुलाल वाल्मिकीले जारी गरेको वक्तव्य प्रति आलोचना गर्दै शुक्रबार त्यस विरुद्ध अर्को वक्तव्य जारी भएको छ । पार्टी उपसभापति कृष्ण बहादुर कार्की र सचिव सञ्जु कुमारी चौधरीले संयुक्त विज्ञप्ति मार्फत पार्टी नेतृत्वको आलोचना गर्दै जिल्ला कार्यसमितिको बैठक तथा पदाधिकारीको छलफल विना नै एक ल ढंगबाट अवैधानिक काम गरेको टिप्पणी गरेका छन् । उनीहरूले विशेष महाधिवेशनमा सहभागिता नजनाउन आग्रह गर्दै आगामी फागुन २१ गते हुने निर्वाचनका गतिविधिमा सक्रिय हुन आव्हान गरेका छन् ।