पश्चिम नेपालकै बृहत् फुटसल प्रतियोगिता सम्पन्न

पश्चिम नेपालकै बृहत् फुटसल प्रतियोगिता सम्पन्न भएको छ । माघ ९ देखि १० भएको गोल्ड फेस्ट सिजन वानको उपाधि कोहलपुरको रेसिङ सहारा फुटबल क्लबले जित्न सफल भएको छ । १६ वटा टिमको सहभागिता रहेको यस प्रतियोगितामा फाइनल खेल मानवी यफ सि र रेसिङ सहारा क्लब, कोहलपुर बीच भएको थियो । फाइनल खेल रेसिङ सहाराले दुई-एकले जितेको हो । खेलकुदलाई पर्या पर्यटन र मनोरञ्जनसँग जोड्ने किसिमले खास गरी सुदूरपश्चिम ,कर्णाली र लुम्बिनी प्रदेशका खेलाडीहरूलाई लक्षित गरेर यो प्रतियोगिता आयोजना गरिएको आयोजक ईश्वरी युनाइटेडका अध्यक्ष सौगात विक्रम शाहले बताए । कार्यक्रममा प्रमुख अतिथि कोहलपुर नगरपालिकाका नगरप्रमुख पूर्ण आचार्यको उपस्थिति रहेको थियो । नगर प्रमुखका अनुसार यस्ता खालका प्रतियोगिताले खेलाडीहरूलाई मनोबल बढाएर ठूला ठूला प्रतियोगितामा अगाडि बढ्नका लागि अवसर प्रदान गर्ने गरेको बताउनुभयो । कार्यक्रममा नेपालगञ्ज न्युरो अस्पतालका डा.जोशन न्यौपाने , ब्राइटल्याण्ड स्कुलका भाइस प्रिन्सिपल राजा तिमिल्सिना, किसान इट्टा उद्योगका अध्यक्ष राम खत्री , कोहलपुर नगरपालिका खेलकुद विकास समिति संयोजक चक्र चिमाला क्षेत्री , अभियन्ता समाजसेवी सौभाग्य जंग शाह , ब्रेनवेका प्रदेस प्रमुख राधा महतराले खेलाडीहरूलाई बधाई तथा पुरस्कार वितरण गरेका थिए । प्रतियोगितामा विजेताले रु ७५००० तथा उपविजेताले रु.३१ हजार प्राप्त गरे भने । प्रतियोगिताको सर्वोत्कृष्ट खेलाडीले, उत्कृष्ट गोलकिपर तथा सर्वाधिक गोलकर्ताले टफ्री र नगद प्राप्त गरे ।