मतदाता रिझाउदै दिपेन्द्र बिष्ट

निर्वाचन आचार संहिताका कारण ठूलाठूला सभा र रयाली गर्न नपाएका राजनीतिक दल तथा स्वतन्त्र उम्मेदवारहरू यतिबेला जनतासँग भेटघाट र मत माग्न व्यस्त छन्। त्यस क्रममा बाँके क्षेत्र नम्बर २ बाट नेकपाका उम्मेदवार दिपेन्द्र बिष्ट निर्वाचन क्षेत्र अन्तर्गतका गाउँ बस्तीमा पुगेर नयाँ पुस्ताका प्रतिनिधिका रुपमामतदातासँग अन्तरक्रिया गर्न व्यस्त देखिन्छन् ।आसन्न फागुन २१ गतेको निर्वाचनका लागि नयाँ पुस्ताका प्रतिनिधि माग भएको अहिलेको परिस्थितिमा आफू योग्य प्रतिनिधि हुने उनको दाबी छ। अरु उम्मेदवारको आलोचनाभन्दा आफ्ना योजना लिएर मतदाताहरूसँग अन्तरक्रिया गर्न व्यस्त बिष्ट भन्छन् म अहिले मतदाताका कुरा सुन्न र उनीहरुलाई आश्वासन दिन मात्रै होइन अहिले व्यक्त भएका समस्या सुनवाईका लागि भोलि भरपर्दो माध्यम बन्न चाहन्छु ।