‘ग्राउण्ड रियालिटी’ बुझ्दै गभर्नर

नेपालगन्जका उद्योगपतिसँग परामर्शसँगै ‘फिडब्याक’बजारमा अधिक तरलता रहेपछि नेपाल राष्ट्र बैंकले संकलन उपकरण बोलकबोलमार्फत केन्द्रीय बैंकमा तान्दैछ भन्ने खबर प्रकाशमा आइरहँदा गभर्नर प्रा.डा. विश्वनाथ पौडेल आइतवार नेपालगन्जमा समस्या पहिचान गर्न व्यक्त देखिए ।नेपालगन्जका झण्डै एक दर्जन उत्पादनमुखी उद्योगका सञ्चालकहरुसँग समस्या बुझ्न छलफल गरेका केन्द्रीय बैंकका प्रमुख प्रा.डा. पौडेलले बैंक तथा वित्तिय संस्थाहरुका व्यवहारदेखि उद्योग सञ्चालनका समस्या तथा सम्भावनासँग जोडिएर परामर्श गरेका हुन् ।‘अर्थतन्त्र चलायमान नभएर समस्या देखिइरहँदा ‘उत्पादनमुखी उद्योगहरुको अवस्था बुझेर नीतिगत सहजीकरण गर्न खोज्नु भएको होकी भन्ने देखिन्छ,’ छलफलमा सहभागी नेपालगन्ज उद्योग वाणिज्य संघका अध्यक्ष टंक धामीले दैनिक नेपालगन्जसंग भने, ‘फाइनान्सियल क्राइसिसका इन्डिकेटर पत्ता लगाएर निकास दिन पहल भइरहे जस्तो लाग्यो ।’‘आर्थिक गतिविधि चलायमान नहुनुको कारकतत्व खोजीनै राष्ट्र बैंकको चासो देखिएको छ,’ गभर्नरसँगको छलफलमा सहभागी उद्योगपति प्रदीप छाछेडले दैनिक नेपालगन्जसंग भने, ‘बैंकिङ प्रणालीमा देखिएका विभिन्न समस्या र समाधानका विषयमा आफ्ना धारणा हामीहरुले राखेका छौं, उहाँहरुले टिपोट पनि गरिरहेकाले समाधानप्रति आशा जगाएको छ ।’उद्योपति कन्हैयालाल बैद्य, चम्पालाल बोथरा, कमल कार्की लगायतका दर्जनबढी बाँके र बर्दियाका उत्पादनमुखी उद्योगका सञ्चालकहरुसँग गभर्नर प्रा.डा. पौडेलले खुलेरै छलफल गरेका थिए । ‘बैंकिङ क्षेत्रका समस्याहरुबारे हामीले पनि लागेका कुरा खुलेरै राखेका छौं,’ नेपालगन्ज उद्योग वाणिज्य संघका एशोसियट सदस्य कार्कीले दैनिक नेपालगन्जसंग भने ।उद्योगपति बोथराले भने हजारौं विगाह जमिन बाँझो अवस्थामा रहेकाले किसानलाई उत्पादनका आधारमा सहुलियत कर्जा प्रवाह गरेर रुख खेतीमा प्रोत्साहन गर्न सुझाव दिएका थिए ।केन्द्रीय ढुकुटीमा पैसा थन्किइरहँदा सस्तो ब्याजदरमा समेत कर्जा प्रवाह किन भइरहेको छैन भन्ने चासो गभर्नर प्रा.डा.पौडलको थियो । ‘पर्याप्त तरलताबीच कर्जा व्यवस्थापनमा कठिनाइ भइरहेको छ भन्ने कुरा राष्ट्र बैंकको चासो र गभर्नरको चिन्ताले प्रष्ट पारेको छ,’ गभर्नरसँगको छलफलमा सहभागी एक उद्योगपतिले दैनिक नेपालगन्जसंग भने, ‘तर, सहभागी कतिपय उद्योग सञ्चालकहरु भने बैंकले सहज कर्जा प्रवाह नगरिदिंदा उद्योग धराशयी भइरहेको गुनासो गरिरहेका थिए ।’‘बैंकहरूले लगानी गर्दा धितोमा भन्दा परियोजना लगानीमा ध्यान दिनुपर्ने र सहुलियत ब्याज दरमा लगानी गर्न ध्यानाकर्षण गरिएको छ,’ एक्सिलेण्ट पेपर मिलका अध्यक्ष ज्योतिलाल भण्डारीले बैकमा पैसा थुप्रिंदा पनि लगानी किन भैराखेको छैन भन्ने विषयमा बैकिङ्ग प्रणालीनै गलत भएको धारणा आफुले राखेको जानकारी दिंदै भने । बैंक तथा वित्तीय संस्था जतिसक्दो छिटो फाइदा लिने नाफामुखि हुँदा पछिल्लो समस्या उब्जिएको उनको धारणा थियो ।छलफलमा सहभागी उद्योग सञ्चालकहरुले कोभिडपछि थलिएको अर्थतन्त्र उठ्नै नसक्नेगरि समस्यामा परिरहँदा भएको जेनजी आन्दोलन र त्यसपछिको विध्वंसले थिलोथिलो भएकाले नीतिगत रुपमै राहत तथा उदारिकरणबारे राष्ट्र बैंकले सोंच्नुपर्ने सुझाव गभर्नरलाई दिए । ‘कालो सूचीमा राख्ने र चेक बाउन्समा कारबाही गर्ने कडा कानुनी व्यवस्थालाई केही समय लचकता अपनाउन सुझा दिएका छौं,’ संघका अध्यक्ष धामीले भने ।मौद्रिक नीतिको अर्ध वार्षिक समीक्षा नजिकिंदै गर्दा गभर्नर नेतृत्वको राष्ट्र बैंक अधिकारीहरुको टोलीले गरेको छलफलबारे नेपाल राष्ट्र बैंक नेपालगन्जका प्रमुख नारायण प्रसाद पोखरेलले ‘ग्राउण्ड रियालिटी बुझ्दै सरोकारवालाहरुसँग फिडब्याक लिइरहेको’ बताए । राष्ट्र बैंक नेपालगन्जका प्रमुख पोखरेलका अनुसार, गभर्नर प्रा.डा. पौडेल नेतृत्वको टोली आइतवारनै भैरहवा पुगेर त्यहाँका उद्योगपतिहरुसँग छलफल गरेको छ । ‘त्यसपछि उहाँहरु बिरगन्ज, जनकपुरलगायतका ठाउँमा पुगेर त्यहाँको ग्राउण्ड रियालिटी बुझ्ने र उद्योग सञ्चालकहरुको फिडब्याक लिनुहुनेछ,’ उनले दैनिक नेपालगन्जसंग भने ।