‘मिडिया पार्टनरसीप’ मा गोरखा

दैनिक नेपालगन्ज सहित बाँकेका सात पत्रकारलाई ‘गोरखा रजत सम्मान’आफ्नो स्थापनाको रजत वर्ष पारेर ‘रजत महोत्सव’ मनाइरहेको बाँकेको कोहलपुर २ मा अवस्थित गोरखा युनाइटेड पब्लिक स्कुलले दुई सञ्चार संस्थासहित बाँकेमा क्रियाशील ७ जना पत्रकारलाई ‘गोरखा रजत सम्मान’ २०८२ बाट सम्मान गरेको छ ।विद्यालयको शैक्षिक, सामाजिक तथा रचनात्मक गतिविधिलाई जिम्मेवार, तथ्यपरक र सकारात्मकरुपमा पत्रकारितामार्फत उजागर गर्दै विद्यालयको पहिचान र गरिमा अभिवृद्धिमा उल्लेखनीय योगदान पु¥याएको भन्दै रजत महोत्सवका क्रममा उनीहरुलाई सम्मान गरिएको हो ।मंगलवार विद्यालय परिसरमा आयोजित विशेष कार्यक्रममा विद्यालयका संस्थापक सञ्चालक अध्यक्ष केशर बहादुर आले मगर, प्रधानाध्यापक साधना थापा र सह–प्रधानाध्यापक बद्री प्रसाद शर्माले सम्मानित पत्रकारहरूलाई कदरपत्र हस्तान्तरण गरे ।रजत महोत्सवका क्रममा संस्थागत रुपमा दैनिक नेपालगन्ज पत्रिका र मिसन टुडेलाई ‘राष्ट्रिय पत्रिका गौरव, गोरखा रजत सम्मान–२०८२’ प्रदान गरिएको छ । मिसनका प्रकाशक सम्पादक विनोद पौडेलले सम्मान ग्रहण गरे ।दैनिक नेपालगन्जका प्रधान सम्पादक झलक गैरेले सम्मान ग्रहण गर्दै गोरखाले शुरु गरेको सकारात्मक हातेमालोको प्रशंसा गरे । ‘बाँकेको मिडिया विकासक्रममा दैनिक नेपालगन्ज ट्रेन्डसेटर हो,’ प्रधान सम्पादक गैरेले भने ।अन्नपूर्ण पोस्टका उप–सम्पादक शंकर प्रसाद खनाल, कालपृष्ठ दैनिकका सम्पादक कमल खत्री, बुलेट न्युज अनलाइनका कार्यकारी प्रमुख प्रमोद रिजाल, काँचुली खबर अनलाइनका प्रकाशक संगिन शर्मा र कोहलपुर ग्यालरीका विकल भट्टराईलाई ‘गोरखा रजत सम्मान–२०८२’ प्रदान गरिएको छ ।गोरखाका संस्थापक सञ्चालक अध्यक्ष आलेले शिक्षा क्षेत्रको समग्र उन्नतिमा पत्रकारिताको अमूल्य योगदान रहेको चर्चा गर्दै विभिन्न सामाजिक उत्तरदायित्वका योजनासँगै ‘मिडिया पार्टनरसीप’को सोंच कार्यान्वयन गरिने प्रतिबद्धता जनाए ।शैक्षिक सुपरभाइजर भद्र शाहीले सञ्चालन गरेको कार्यक्रममा विद्यालयका शैक्षिक सल्लाहकार राजेन्द्र गुरुङ, प्रशासन प्रवन्धक कर्णबहादुर बस्नेत, स्टोर प्रमुख पुष्पराज लम्साल, संगीत प्रशिक्षक नविन घर्ती लगायतको सहभागितामा विद्यालयलाई प्राविधिक सहयोग पु¥याउने विनोद लाइट तथा टेन्ट हाउसका सञ्चालक बाउर तमौलीलाई पनि सम्मान गरिएको थियो ।२०५७ सालमा स्थापना गरिएको गोरखाले आफ्नो रजत वर्षलाई तीन दिनसम्म भव्य कार्यक्रम गरि मनाएको छ । त्रिभुवन विश्वविद्यालयका उपकुलपति प्रा. डा. दिपक अर्यालको प्रमख आतिथ्यमा गत माघ १८ गते विशेष रजत समारोह आयोजना गरेको थियो ।