खजुरा गाउँपालिका–३ स्थित पुरानो हाटबजार क्षेत्रमा प्राङ्गारिक कृषि तथा पोषण मेला प्रदर्शनी आयोजना भएको छ । पोषण परियोजना, बाँके मार्फत खजुरा गाउँपालिका आयोजनामा र बि ग्रुपको सहकार्यमा कार्यक्रम गरिएको हो ।
कार्यक्रममा बोल्दै खजुरा गाउँपालिका अध्यक्ष डम्बर बहादुर विकले कृषि क्षेत्रलाई अघि बढाउन पालिका निरन्तर सक्रिय रहेको बताए । उनले कृषि उत्पादनलाई सहज रूपमा बजारसम्म पु¥याउने व्यवस्था मिलाउन आगामी दिनमा कृषि एम्बुलेन्स खरिद गर्ने योजना रहेको जानकारी दिए । उनले खजुरालाई कृषिमा आत्मनिर्भर बनाउने उद्देश्यसहित पर्याप्त बजेट विनियोजन गरिने उल्लेख गरे ।
उद्घाटन समारोहमै खजुरा गाउँपालिका उपाध्यक्ष मन्जु मल्लले किसानले उत्पादन गरेका तरकारी तथा खाद्यान्नको बजार पहुँच विस्तारमा पालिका गम्भीर रहेको बताइन् । उनले रासायनिक मलको प्रयोग घटाउँदै प्राङ्गारिक उत्पादनतर्फ किसानलाई आकर्षित गर्न आग्रह गरिन् ।
मल्लले विगतमा खजुरामा हाटबजार सञ्चालन हुने र स्थानीयले त्यहीँबाट ताजा तरकारी पाउने व्यवस्था रहेको स्मरण गरिन् । कोभिड संक्रमणपछि मेला बन्द भएको उल्लेख गर्दै उनले त्यसलाई निरन्तरता दिन आवश्यक रहेको बताइन् ।
बि ग्रुप नेपालगन्जका अध्यक्ष डा. इन्द्र भण्डारीले प्राङ्गारिक कृषि प्रवद्र्धन र किसानका उत्पादन बजारसम्म पु¥याउन सहकार्य गर्ने प्रतिबद्धता व्यक्त गरे । उनले कृषि क्षेत्रमा दीर्घकालीन विकासका लागि सरोकारवालाबीच सहकार्य आवश्यक रहेको बताए ।
मेलाका अवसरमा उत्कृष्ट उत्पादन प्रदर्शन गर्ने तीन जना व्यवसायिक किसानलाई पुरस्कृत गरिएको थियो । साथै बि ग्रुप नेपालगन्जले खजुरा गाउँपालिकाको कृषि शाखालाई माटो परीक्षण गर्ने मेसिन हस्तान्तरण गरेको छ ।
त्यसैगरी बागेश्वरी कृषि सहकारी संस्था लिमिटेडलाई डिजिटल बोर्ड र त्रिपाल पनि प्रदान गरिएको बि ग्रुपकी लिला गिरीले जानकारी दिइन् ।
कार्यक्रममा केयर नेपालकी भारती केसी, खजुरा गाउँपालिका कृषि शाखा प्रमुख भगवती खड्का, स्वास्थ्य शाखा प्रमुख लक्ष्मी केसी वली, कार्यपालिका सदस्यहरू, किसान तथा कृषि क्षेत्रसँग सम्बन्धित सरोकारवालाको उपस्थिति रहेको थियो ।
कृषि शाखा प्रमुख भगवती खड्का र स्वास्थ्य शाखा प्रमुख लक्ष्मी केसी वलीले कृषि र पोषणबीचको सम्बन्धलाई जोड्दै यस्ता कार्यक्रमले समुदायस्तरमा सचेतना बढाउने बताए ।
कार्यक्रमले स्थानीय उत्पादनको प्रवद्र्धन, प्राङ्गारिक कृषिको विस्तार तथा पोषण सचेतना अभिवृद्धिमा योगदान पु¥याउने अपेक्षा गरिएको छ ।