बाँके प्रहरीले भन्सार छली तस्करी गरी ल्याइएको करिब ३ लाख रुपैयाँ बराबरको मोबाइलको डिस्प्ले बरामद गरेको छ ।
जिल्ला प्रहरी कार्यालय बाँकेका अनुसार बिहीबार नेपालगन्ज उपमहानगरपालिका–१९ स्थित क्षेत्रबाट भन्सार छली ल्याइएका मोबाइलका डिस्प्ले बरामद गरिएको हो । बरामद सामानको अन्दाजी मूल्य रु. ३ लाख १ हजार रहेको प्रहरीले जनाएको छ ।
बरामद सामान आवश्यक कारबाहीका लागि भन्सार कार्यालय नेपालगन्ज, बाँके पठाइएको जिल्ला प्रहरी कार्यालय बाँकेका सूचना अधिकारी प्रहरी नायव उपरीक्षक प्रतित सिंह राठौरले जानकारी दिएका छन् ।