हराउँदै गएको बेत–बाँसको परम्परागत सीप र मौलिक कलालाई संरक्षण गर्दै स्थानीय उत्पादनको प्रवद्र्धन गर्ने उद्देश्यले नेपालगन्जमा ग्रीन कर्णाली बहुउद्देश्यीय उद्योग सञ्चालनमा आएको छ । लक्ष्मी भट्टराईसहितको समूहले उद्योग स्थापना गरी बेत–बाँसबाट विभिन्न सामग्री उत्पादन गर्ने काम सुरु गरेको हो ।
स्थानीय सीप, सिर्जनशीलता र परम्परागत कलालाई व्यावसायिक उत्पादनसँग जोड्ने लक्ष्यसहित उद्योग सञ्चालनमा ल्याइएको सञ्चालकहरूले बताएका छन् । उनीहरूका अनुसार, मौलिक कलाको संरक्षणसँगै स्थानीय उत्पादनलाई नयाँ पहिचान दिने र आत्मनिर्भर समाज निर्माणमा योगदान पु¥याउने उद्योगको उद्देश्य छ ।
कर्णालीको सुर्खेतमा पाँच वर्षदेखि उद्योग सञ्चालन गर्दै आएकी उद्यमी लक्ष्मी भट्टराईले हराउँदै गएको परम्परागत सीपलाई नयाँ पुस्तासम्म पु¥याउँदै त्यसलाई उत्पादन र उद्यमसँग जोड्न उद्योगले पहल थालेको बताइन् । स्थानीय स्तरमा उपलब्ध सीप र सिर्जनशीलताको उपयोग गरेर मौलिक उत्पादनको प्रवद्र्धन गर्ने लक्ष्य रहेको उनको भनाइ छ । उनका अनुसार, दुबै उद्योगमा एक करोडबढी लगानी गरिएको छ ।
‘हराउँदै गएको मौलिक कलालाई नयाँ पहिचान दिँदै स्थानीय उत्पादनको प्रवद्र्धन र आत्मनिर्भर समाज निर्माणमा योगदान पु¥याउने लक्ष्यसहित सुर्खेत र नेपालगन्जमा उद्योग सञ्चालनमा ल्याएका हौं,’ भट्टराईले बताइन् ।
बेत–बाँसबाट विभिन्न सामग्री उत्पादन गर्ने उद्देश्य राखिएको उद्योगको उद्घाटन नेपालगन्ज उद्योग वाणिज्य संघका अध्यक्ष चिरञ्जीवी ओलीले एक कार्यक्रमबीच गरेका हुन् । उद्योगले परम्परागत सीपलाई व्यावसायिक गतिविधिसँग जोड्दै स्थानीय उत्पादनको पहिचान स्थापित गर्ने अपेक्षा गरिएको सञ्चालकको विश्वास छ ।