उपहारको टे्रलर सार्वजनिक, रेखा, पूजा र बेनिशाको आआफ्नै कथा (ट्रेलरसहित)

फागुनको २५ गतेबाट रिलिजमा आउन लागेको फिल्म ‘उपहार’को ट्रेलर सार्वजनिक भएको छ । रेखा फिल्मस् र कपनगढी फिल्मस्को प्रस्तुतिमा तयार भएको फिल्मको ट्रेलरमा मुख्य तीन महिला पात्रको कथा देखाइएको छ ।

ज्ञानेन्द्र देउजाको निर्देशनमा तयार भएको फिल्ममा नायिकात्रय रेखा थापा, पूजा शर्मा, बेनिशा हमाल केन्द्रमा छन् । यी तीन पात्रको आ-आफ्नै कथा छ । सोही कथालाई निर्देशक देउजाले पर्दामा देखाएका छन् ।

सुलभ प्रतिक र समीक्षा देउजाको निर्माणमा तयार भएको फिल्मका कार्यकारी निर्माता बलराम शाही ठकुरी हुन् । फिल्ममा रेखा थापा, पूजा शर्मा, बेनिशा हमाल, मुकुन भुसाल, तेज गिरी, समर्पण जंग कार्की, शिशिर राना, सुष्मा कार्की, अञ्जु महर्जन लगायतका कलाकारको अभिनय छ ।

फिल्ममा अर्जुन पोखरेल र बाबुल गिरीको संगीत, कविराज गहतराजको कोरियोग्राफी, रोशन श्रेष्ठको एक्सन, विष्णु कल्पितको छायांकन छ ।

सुलक्षण भारतीको कथा रहेको फिल्ममा सुलक्षणको साथमा अभिमन्यु निरवी र माधव शर्माको पटकथा तथा संवाद छ । फिल्ममा मित्र डी गुरुङको सम्पादन छ ।

फिल्म ‘उपहार’ले कमेडी शैलीमा समाजको मुद्दालाई  उठान गरेको बुझ्न सकिन्छ । जहाँ, महानगरपालिकाले लगाउँदै आएको डोजर र ठेला चलाएर व्यापार गर्नेहरूको कथा समेत भनिएको छ । यसैले, फिल्मले सडकपेटीमा काम गरेर जीवन जिउँदै आएका मानिसहरूको कथालाई पनि उठान गरेको बुझ्न सकिन्छ ।

फिल्मको ट्रेलर पूणर्तया कमर्सियल छन् । यसैले, यो फिल्मलाई दर्शकले मन पराउन सक्छन् ।