सल्यानमा बुधबार भएको बस दुर्घटनामा परी घाइते भएका एकजना यात्रुको उपचारका क्रममा बुधबार राति मृत्यु भएको छ । बुधबार बिहान करिब ११ बजेतिर दाङबाट रुकुम जाँदै गरेको यात्रुवाहक बस दुर्घटनामा परी गम्भीर घाइते भएका तुलसीपुर उपमहानगरपालिका–४ निवासी ४६ वर्षीय विकको उपचारका क्रममा बुधबार राति राप्ती प्रादेशिक अस्पताल तुलसीपुरमा मृत्यु भएको जिल्ला प्रहरी कार्यालय सल्यानका प्रहरी नायब उपरीक्षक नवीन कार्कीले जानकारी दिनुभयो । दाङबाट पूर्वीरुकुममतर्फ जाँदै गरेको रा१ख २०८५ नम्बरको यात्रुवाहक बस सल्यान बाघचौर नगरपालिका–२ ठिनबाङ्ग खोलाको पुलबाट खसेको थियो । विक सो दुर्घटनाग्रस्त बसका बसधनी हुनुहुन्थ्यो । बस दुर्घटनामा परी २२ जना घाइते भएका थिए । तीमध्ये गम्भीर घाइते चारलाई कोहलपुर अस्पताल पठाइएको थियो । अरु घाइतेको दाङमा उपचार भइरहेको छ । सो दुर्घटनामा परी गम्भीर घाइते रहेका तीनजना यात्रुको हाल शिक्षण अस्पताल कोहलपुरमा उपचार भइरहेको छ । सामान्य घाइते भएका अधिकांश उपचारपछि घर फर्किसकेका छन् ।
सल्यान बस दुर्घटना : घाइते एकको मृत्यु
- Dainik Nepalgunj

- Categories: News
Related Content
चौडा बन्दै पूर्व–पश्चिम राजमार्ग
by
Dainik Nepalgunj
November 20, 2026
सडक सीमा खाली गर्न खजुराको अल्टिमेटम
by
Dainik Nepalgunj
November 20, 2026
व्यवसाय मानवअधिकार अन्तरसम्बन्धित
by
Dainik Nepalgunj
November 20, 2026
राप्तीसोनारीमा खेलउत्सव
by
Dainik Nepalgunj
November 20, 2026
भ्रष्टाचारविरुद्ध नेपालगन्ज वाकाथन
by
Dainik Nepalgunj
November 19, 2026