जानकी । चिसो बढेसँगै विद्यालय सञ्चालन गर्न समस्या भएको भन्दै जानकी गाउँपालिकाले पनि विद्यालय बन्द गर्ने निणर्य गरेको छ । भोलि बिहीबारदेखि शुक्रबारसम्मका लागि जानकी गाउँपालिकाले विद्यालय बन्द गर्ने निणर्य गरेको हो ।
चिसोले विद्यालय सञ्चालन गर्न समस्या भएको र चिसोका कारण विद्यालयमा अध्ययनरत बालबालिकाहरुको स्वास्थ्यमा प्रतिकूल असर पर्ने भएकाले दुई दिनका लागि विद्यालय बन्द गर्ने निणर्य गरिएको शिक्षा, युवा तथा खेलकुद शाखाका निमित्त प्रमुख झुमीकुमारी वलीले जनाइन् । यहाँका सबै सामुदायिक, मदरसा, गुरुकुल, बालविकास केन्द्र तथा संस्थागत विद्यालयहरु बन्द हुने उनको भनाइ छ । आज नै एक सूचना प्रकाशन गरी नेपालगन्जले पनि विद्यालयहरु बन्द गर्ने निणर्य गरेको छ ।