दैनिक नेपालगन्जका सहकर्मी ऋषि गैरेको असामयिक निधन भएको छ । लामो समयदेखि उच्च रक्तचापको समस्या रहेका ४० बर्षीय गैरेको शुक्रबार हृदयघातका कारण निधन भएको हो । पारिवारिक स्रोतका अनुसार, काठमाडौं स्थित अल्का अस्पतालमा उनको निधन भएको थियो ।

स्वर्गीय ऋषिको आइतबार परम्परागत संस्कार अनुसार स्याङ्जा जिल्लाको वालिङ्गमा अन्तिम संस्कार गरिएको उनका भाई तथा दैनिक नेपालगन्जका संवाददाता हिमाल गैरेले जानकारी दिए । काठमाडौंबाट दैनिक नेपालगन्जका लागि समाचार सम्प्रेषण गर्दै आएका ऋषिका एक छोरा, छोरी र श्रीमति रहेका छन् ।

लामो समयदेखि उच्च रक्तचापको समस्या रहेका पत्रकार ऋषिलाई एक्कासी हृदयघात भएको हो । पत्रकार ऋषिको निधन प्रति सामाजिक सञ्जालमा उनका निकटस्थ साथीभाईले श्रद्धाञ्जली व्यक्त गरेका छन् । नेपाल पत्रकार महासंघ बाँकेका साधारण सदस्य रहेका ऋषिको निधनप्रति नेपाल पत्रकार महासंघ बाँके शाखाले भावपूर्ण श्रद्धाञ्जली अर्पण गर्दै स्तब्ध भएको बताएको छ । शाखा अध्यक्ष दामोदर भण्डारी र सचिव कमल डाँगीले भावपूर्ण श्रद्धाञ्जली व्यक्त गर्दै गैरे परिवारप्रति समवेदना व्यक्त गरेको छ ।

समाचार बाट थप पढ्नुहोस्

‘अनाधिकृत सीसाको प्रयोगमा नियमन गर’

बाके : राप्तीमा बढ्यो जलस्तर

नेपालगन्जमा अनिश्चितकालीन कफ्र्यु

काम गरेर हामी सफल भएका छौं

त्यस्तै, नेपाल प्रेस सेन्टर बाँकेले पत्रकार ऋषिको निधनप्रति शोक वक्तव्य जारी गर्दै संगठनका अग्रज नेता तथा अभिभावक गुमाउँदा स्तब्ध र मर्माहत भएको बताएको छ । शाखा अध्यक्ष राजेश आचार्य र सचिव केपी घिमिरेले संयुक्त रुपमा शोक वक्तव्य जारी गर्दै पत्रकार ऋषिको आकस्मिक र अकल्पनीय निधनले संगठनलाई अपुरणीय क्षति पुर्याएको उल्लेख गरेका छन् ।