नेपालगन्ज आइपुगे एम्स अध्यक्ष पाको बोराओ

विश्व म्याराथनको साझा संस्था एसोसियसन अफ इन्टरनेसनल म्याराथन एण्ड डिस्टेन्स रेस (AIMS) का अध्यक्ष पाको बोराओ नेपालगन्ज आइपुगेका छन् ।

अध्यक्ष बोराओलाई नेपालगन्ज उपमहानगरपालिकाका निवर्तमान उप-प्रमुख उमा थापामगर, नेपालगन्ज उद्योग वाणिज्य संघका महासचिव भिमबहादुर रानाभाट, लुम्बिनी प्रदेश खेलकुद परिषदका पूर्व सदस्य सचिव भिम ओली, धारा नेपालगन्ज म्याराथनका प्रमुख टिएस ठकुरीलगायतले नेपालगन्ज बिमानस्थलमा स्वागत गरे ।

जेठ २१-२३ गतेसम्म राजधानी काठमाडौमा आयोजना गरिएको इन्टरनेसनल रनिङ कन्फ्रेन्स सहभागीमा सहभागी हुन नेपाल आएका बोराओ नेपालगन्ज म्याराथनको आयोजनासंग जोडिएर यहाँको अवस्थिति, नेपालगन्जको बस्तुस्थितिको स्थलगत अध्ययन भ्रमणमा आएका हुन् ।

एम्ससँगको सहकार्यमा रेस नेपाल र नेपालगन्ज म्याराथनले संयुक्त रूपमा आयोजना गरेका हुन्। त्यसको नेतृत्व ठकुरीले गरेका थिए । उनका अनुसार, आज नेपालगन्जमा म्याराथनका बहुआयामिक विषयबस्तुमा अध्यक्ष बोराओले अन्तरक्रिया गर्नेछन् ।

नेपालगन्ज म्याराथनले नेतृत्व लिएर राजधानीमा आयोजित सम्मेलन नेपालमा पहिलोपटक आयोजना गरिएको हो र यसले दक्षिण एसियामा यस्तो प्रकारको पहिलो सम्मेलन भएको दावी गरिएको छ।

मुख्य बुँदाहरू:

• • उद्देश्य: यो सम्मेलनले नेपालको दौड समुदायलाई एसियाली मुलुकका दौड समुदायसँग जोड्ने, अनुभव आदानप्रदान गर्ने, र समग्र नेपाली खेलकुदको विकासमा योगदान पुर्याउने लक्ष्य राखेको छ। साथै, खेल पर्यटनलाई प्रवर्धन गर्ने र विश्व सम्पदा सूचीमा परेका नेपाली सम्पदाहरूको महत्व बुझाउन, संरक्षण तथा प्रवर्धनमा टेवा पुर्याउने उद्देश्य राखिएको छ।

• • सहभागीहरू: युरोप, अमेरिका, जापान, थाइल्याण्ड, मलेसिया, भियतनाम, इन्डोनेसिया, सिंगापुर लगायत दक्षिण एसियाली राष्ट्रहरू गरी दुई दर्जनभन्दा बढी देशका प्रतिनिधिहरूको सहभागिता रहेको थियो।

• • प्रमुख कार्यक्रमहरू:

• • AIMS बोर्ड बैठक: AIMS को बोर्ड बैठक पनि यसै अवसरमा नेपालमा पहिलो पटक आयोजना भयो।

• • नेपाल इन्टरनेसनल रनिङ कन्फ्रेन्स: जेठ २३ गते (जुन ६) मा यो कन्फ्रेन्स आयोजना भयो। कन्फ्रेन्समा शिक्षा, खेलकुद र पर्यटनसँग सम्बन्धित चारवटा मुख्य सेसनहरू समावेश थिए।
    

     

    • • पहिलो सेसनमा AIMS का प्रेसिडेन्ट पाको बोराओ (भ्यालेन्सिया म्याराथनका रेस डाइरेक्टर) सँग विशेष साक्षात्कार भयो।
    • • अन्य सेसनहरूमा ‘सामाजिक आन्दोलन र सामाजिक परिघटनाका रूपमा म्याराथन’, ‘खेलकुद र पर्यटन: आर्थिक र सांस्कृतिक सम्भावनाको ढोका खोल्दै’, र ‘दिगो भविष्यका लागि दौड: स्वास्थ्य, शिक्षा, जलवायु कार्य र विश्वव्यापी एकतालाई प्रवर्द्धन गर्दै’ जस्ता विषयमा छलफल भयो। प्रत्येक सत्रमा दुई विदेशी र दुई नेपाली गरी चार वक्ता र एक सहजकर्ता रहेका थिए।

• • नेपाल हेरिटेज रन: जेठ २४ गते (जुन ७) मा २५ किलोमिटर ‘नेपाल हेरिटेज रन’ दौड आयोजना गरियो। यस दौडको रुट काठमाडौँ दरबार स्क्वायर, पशुपतिनाथ मन्दिर, र पाटन दरबार स्क्वायर जस्ता प्रमुख सम्पदा स्थलहरू हुँदै गएको थियो। यसका साथै, विद्यार्थी र भेट्रान धावकहरूका लागि ५ किलोमिटर फन रन पनि समावेश गरिएको थियो। यस दौडको २५ किलोमिटर पुरुषतर्फको उपाधि केन्याका जुलियस म्युरुकीले जिते भने महिलातर्फ नेपालकी सन्तोषी श्रेष्ठले जितिन्।

• • महत्व: यो सम्मेलन र दौड आयोजनाले नेपालको खेल पर्यटनमा महत्वपूर्ण योगदान पुर्याउने, अन्तर्राष्ट्रियस्तरमा नेपालको उपस्थिति बढाउने, र नेपाली खेलकुदको विकासमा कोसेढुंगा साबित हुने अपेक्षा गरिएको छ।
    यो सम्मेलनले नेपाललाई विश्व दौड समुदायमा एक महत्वपूर्ण गन्तव्यका रूपमा स्थापित गर्न मद्दत पुर्याएको आयोजक संस्था, नेपालगन्ज म्याराथनका सस्थापक टिएस ठकुरीको धारणा छ ।