- शनिबार काठमाडौंमा कोप—२९ सम्मेलनको पूर्वसन्ध्यामा वन तथा वातावरण मन्त्रालयले आयोजना गरेको राष्ट्रिय जलवायु सम्मेलनको क्रममा प्रधानमन्त्री केपी शर्मा ओलीले नेकपा एमाले र नेपाली कांग्रेसले लोकतन्त्र मर्न नदिने बताएका छन् ।
- सशस्त्र प्रहरीले रौतहटको गुजरा नगरपालिकाबाट हतियारसहित दुई जनालाई पक्राउ गरेको छ । गुजरा नगरपालिका-३ धनसार सिमरी गेट नजिकैबाट सशस्त्र प्रहरीले कटुवा पेस्तोल १ थान र सो मा प्रयोग हुने ३ राउण्ड गोली सहित कटहरीया–३ का कमोदा राम चमार र नेमलाल साह बनियालाई पक्राउ गरेको हो ।
- अन्यत्रका उद्योगसंग जोडेर बुटवल–भैरहवा करिडोरका उद्योगलाई माग र खपतबिना जबर्जस्ती ट्रंकलाइनको प्रिमियम महसुल तिराउन लाइन काटेर तर्साउन खोजिएको उद्योगीहरुको गुनासो छ ।
- वन तथा वातावरण मन्त्रालयको नाम परिवर्तन हुने भएको छ । विपद् जोखिम न्युनिकरण तथा व्यवस्थापन राष्ट्रिय परिषद्को बैठकले मन्त्रालयको नाम वन, वातावरण तथा जलवायु परिवर्तन राख्ने निर्णय गरेको हो ।
- पाल्पामा यो वर्ष ३९९ जनामा डेंगु संक्रमण पुष्टि भएको छ ।
स्वास्थ्य कार्यालय पाल्पाका अनुसार गत जनवरीदेखि हालसम्म सो संख्यामा संक्रमण पुष्टि भएको हो । - राप्ती लोकमार्ग अन्तर्गत तुलसीपुर उपमहानगरपालिका-३ साततलेमा रा१ज ८२२ नम्बरको बोलेरो पिकअफ गाडी दुर्घटना हुँदा दुई जनाको मृत्यु भएको छ ।
- माओवादी केन्द्रले शनिबार काठमाडौंको भृकुटीमण्डप प्रदर्शनीमार्गमा आयोजना गरेको खबरदारीसभामा माओवादी केन्द्रका वरिष्ठ उपाध्यक्ष नारायणकाजी श्रेष्ठले मुलुकमा लोकतन्त्रमाथि विभिन्न कोणबाट आक्रमण भइरहेको बताएका छन् । उनले विगतमा झैं प्रतिनिधिसभा विघटनको खतरा बाँकी नै रहेको पनि बताए ।
- लुम्बिनी प्रदेश सरकारले पर्यटन प्रवर्द्धनका लागि चालु आवमा ‘घुम्न जाऔं बर्दिया’ अभियान संचालन गर्ने भएको छ । सरकारको नीति तथा र बजेटमा उल्लिखित कार्यक्रमअनुसार लुम्बिनीदेखि बर्दियासम्म पर्यटकको संख्या बढाएर प्रदेशको आर्थिक समृद्धि बढाउने उद्देश्यसहित सरकारले यस्तो अभियान सुरु गर्न लागेको हो ।
देशमा आजः ८ बजे ८ खबर
