गत भाद्र २४ गते नेपालगन्ज उपमहानगरपालिका जेनजीको प्रदर्शनका क्रममा आगजनी गरी ध्वस्त बनाइएको थियो । ध्वस्त भएको कार्यालयले सेवा सुरु गरिसकेको छ । तर, कार्यालयमा रहेका कागजातहरू जलाइएका कारण अहिले उपमहानगरपालिकाले काम गर्न समस्या झेलिरहेको छ । उपमहानगरपालिकाले विभिन कार्यका लागि भुक्तानी माग भई तयार भएको फाइलहरू जलेपछि पुनः प्रमाण जुटाउँदै भुक्तानीको प्रक्रिया थालेको छ ।
नेपालगन्ज उपमहानगरपालिकाको गत असोज ३० गते बसेको कार्यपालिका बैठकले १२ वटा विभिन्न कार्यहरूको प्रमाण जुटाएर भुक्तानी प्रक्रिया अगाडि बढाउने निर्णय गरेको हो । आंशिक रूपमा फाइल रहेका ४ वटा चार वटा र फाइल जलेर नष्ट भएका ८ वटा फर्मको भुक्तानीका लागि व्यवसायीमार्फत आवश्यक कागजात संकलन गरी प्रक्रिया अगाडि बढाउने निर्णय कार्यपालिका बैठकले गरेको हो ।
उपमहानगरपा लिकाको कार्यपालिका बैठकले जेनजी आन्दोलनका क्रममा सहिद भएका नेपालगन्ज वडा १ का सुलभराज श्रेष्ठ र आयुष थापा मगरको सम्मानमा सुर्खेतरोडमा रहेको प्रहरी गुल्मबाट वाटरपार्क जाने बाटोलाई शहिद आयुष–शुलभ (आशु) जेन्जी मार्ग नामाकरण गरी सोही स्थानमा सहिद गेट निर्माण गर्ने निर्णय गरेको छ ।
त्यस्तै कार्यपालिका बैठकले नेपालगन्जका तीन वटा विद्यालयलाई १९को कण्ठीपुर विद्यालयलाई नगर शिक्षण सहयोग अनुदान उपलब्ध गराउने निर्णय गरेको छ । त्यस्तै धार्मिक विद्यालय मदरसा दारुल उलुम वरकातिया मावि नेपालगन्ज–११, आइसा मदरसा तुल बनात नेपालगन्ज ५लाई मावितहसम्म अध्यापन हुने तर मावि दरबन्दी नरहेकाले बार्षिक १० लाख उपलब्ध गराउने, ऐदरा मिस्वाहिया गुल्सने दानिस नेपालगन्ज वडा नं. ६ लाई निमाविमा शुन्य दरबन्दी रहेकाले बार्षिक ५ लाख एकमुष्ठ अनुदान उपलब्ध गराउने निर्णय गरेको छ ।