नेपाली काँग्रेस, बाँकेको नवनिर्मित ‘सुशील कोइराला स्मृति भवन’ को निर्माण कार्य सम्पन्न भएको छ । सो भवनको पर्सि पुस ८ गते बुधवार बिहान ११ बजे एक भव्य समारोहका बीच समुदघाटन गरिने कार्यक्रम रहेको पार्टी जिल्ला सभापति नारायणपं्रसाद गौडेलले जानकारी दिनुभयो । उक्त भवनको नेपाली काँग्रेसका केन्द्रीय कार्यवाहक सभापति पूर्णबहादुर खड्का र महामन्त्री गगनकुमार थापाले संयुक्तरुपमा उदघाटन गर्नुहुनेछ । नेपाली राजनीतिका सन्त नेता तथा लोकतान्त्रिक आन्दोलनका प्रतिक स्व. कृष्णप्रसाद भट्टराईको १०२ औँ जन्मजयन्तीको अवसरमा भवन उदघाटन गर्न लागिएको बताइएको छ ।
भवन उदघाटन सन्दर्भमा नेपाली काँग्रेस, बाँकेले आज प्रकाशित गरेको विज्ञप्तिमा भनिएको छ—‘नेपाली काँग्रेस लोकतन्त्र, राष्ट्रिय एकता, सामाजिक न्याय र समावेशी विकासका मूल्य–मान्यतामा आधारित एक अग्रणी लोकतन्त्रिक राजनीतिक पार्टी हो । नेपालमा लोकतान्त्रिक व्यवस्थालाई संस्थागतरुपमा सुदृढ तथा जनमुखी बनाउन नेपाली काँग्रेस आप्mनो स्थापनादेखि अहिलेसम्म सधै अग्रणी स्थानमा रहदै आएको छ । साथै, नेपाली काँग्रेसलाई आप्mनो रगत, पसिनाले सिंचित गर्ने हाम्रा अग्रणी नेताहरुलाई काँग्रेसले आदर्श मान्दै सधै सम्मान समेत गर्दै आएको छ । त्यसैको पछिल्लो कडीका रुपमा नेपाली राजनीतिका सन्त नेता तथा लोकतान्त्रिक आन्दोलनका प्रतिक स्व. कृष्णप्रसाद भट्टराईको १०२ औँ जन्मजयन्तीको अवसर पारेर भवनको समुदघाटन गरिएको हो ।’
भवन समुदघाटन समारोहलाई प्रमुख अतिथि नेपाली कांग्रेसका केन्द्रीय कार्यवाहक सभापति खड्का र विशिष्ट अतिथि महामन्त्री गगनकुमार थापाले सम्बोधान समेत गर्नुहुने कार्यक्रम रहेको छ । कार्यक्रममा शुभेच्छुक तथा पार्टीका कार्यकर्ताहरुलाई सह भागि हुन पार्टी जिल्ला कार्यसमितिले हार्दिक अनुरोध समेत गरिएको छ ।
तीन तलाको सुशील कोइराला स्मृति भवन निर्माणमा नेपाली काँग्रेसका नेता, कार्यकर्ता, स्थानिय निकाय, उद्योगी, व्यवसायी, फर्म तथा विभिन्न शुभचिन्तकवाट आर्थिक तथा भौतिक सामग्री सहयोग प्राप्त भएको निर्माण समितिका संयोजक एव्म पार्टी जिल्ला उपसभापाति गोपालप्रसाद अधिकारीले बताउनुभयो ।
