पाँचौ राष्ट्रिय जेष्ठ नागरिक दिवस आज नेपालगञ्जमा पनि अन्तरक्रियात्मक कार्यक्रमको आयोजना गरि मनाइएको छ । जेष्ठ नागरिक दिवसको यस वर्षको नारा ‘हाम्रो साँझा अभियान जेष्ठ नागरिकप्रति श्रद्धा र सम्मान’ तय गरिएको थियो ।
जेष्ठ नागरिक नेपालगञ्ज नगर सञ्जारले आयोजना गरेको कार्यक्रममा प्रमुख अतिथि नेपालगञ्ज उपमहानगरपालिकाका प्रमुख प्रशासकिय अधिकृत रामहरि शर्माले जेष्ठ नागरिकको जीवनपयोगी सेवा, सुविधामा राज्य थप जिम्मेवार हुनुपर्नेमा जोड दिनुभयो । उहाँले भन्नुभयो—‘जेष्ठ नागरिकको योगदान समाज विकासमा अतुलनीय हुन्छ, त्यसलाई कुनै मूल्यमा तौलिन सकिदैन, तर उनीहरुको जीवनलाई सहज बनाउन परिवार, समाज र राज्यपक्ष थप जिम्मेवार बन्नै
पर्छ ।’
सञ्जालका अधयक्ष विष्णु सुवेदीको अध्यक्षतामा भएको कार्यक्रममा नेपालगञ्ज उपमहानगरपालिका महिला, बालबालिका तथा जेष्ठ नागरिक शाखा प्रमुख पवित्रा पुरी र अधिकृत शाहले पनि बोल्नुभएको थियो ।
कर्यक्रममा विभिन्न वडा क्लबका अध्यक्ष, नेपालगञ्ज उपमहानगरपालिकाका कर्मचारी र जेष्ठ नागरिक सञ्जालका पदाधिकारी तथा सदस्यहरुको उपस्थिति रहेको थियो ।
