बाँके क्षेत्र नं. ३ मा प्रगतिशिल लोकतान्त्रिक पार्टीका उम्मेदवार तेज प्रसाद भण्डारीले घरदैलो अभियानलाई तिव्रता दिएको बताएका छन् । उनी बैजनाथ गाउँपालिकाको तिलकपुर, नेउलापुर, बानियाभार र पिपलडाँडामा घरदैलो गर्दै आफ्नो एजेन्डामा प्रचारप्रसारसँग मतदान गर्ने तरिकाबारे मतदातालाई जानकारी गराएको बताए ।
‘जनतामा मतदाता शिक्षा पटक्कै पुगेकै छैन’, आफुले समाजसेवाका क्रममा जनतासँग जोडिएर काम गरेकाले उनीहरूले गरेको मतदान सुरक्षित रहोस् भन्नेमा सजग भएर मतदानबारे प्रयोगात्मक अभ्यास गराएको जानकारी भण्डारीले भने, ‘उहाँहरूले सकेसम्म मलाई नै मतदान गर्नुहुनेछ भन्ने विश्वास हो, गर्नुभएन भनेपनि उहाँले गरेको मतदान खेर नजाओस् भन्नका लागि मतदानको तरिका बताइरहेको छु ।’ भण्डारीले आफु निर्वाचित भएमा विकास निर्माणसँगै धर्म, संस्कार, संस्कृतिको प्रवद्र्धनमा काम गर्ने एजेण्डा अघि सारेका छन् ।
‘सबै धर्मको सम्मान र सम्बद्र्धन मेरो एजेन्डा हो’, प्रलोपाका उम्मेदवार भण्डारीले सार्वजनिक शिक्षाको गुणस्तर सुधारमा नीतिगत व्यवस्थापको आवश्यकता औंल्याउँदै भने, ‘धेरै कुराहरू यस्ता छन् जसलाई संसदमा पुर्याएर जनताका हितमा काम गर्नुपर्छ भन्ने आवश्यकता देखेर नै मैले उम्मेदवारी दिनु परेको हो ।’
