पूर्वगृहमन्त्री रमेश लेखकलाई प्रहरीले पक्राउ गरी काठमाडौं प्रहरी परिसर भद्रकाली लगेको छ। उनलाई भक्तपुरको कटुन्जेस्थित निजी निवासबाट नियन्त्रणमा लिएर भद्रकाली पुर्याइएको हो।
नयाँ सरकार गठनसँगै बसेको मन्त्रिपरिषद् बैठकले गौरीबहादुर कार्की नेतृत्वको जाँचबुझ आयोगले पेश गरेको प्रतिवेदन कार्यान्वयन गर्ने निर्णय गरेको थियो। सोही निर्णयअनुसार पूर्वप्रधानमन्त्री केपी शर्मा ओली र पूर्वगृहमन्त्री लेखकलाई पक्राउ गरिएको हो।
उक्त आयोगले गत भदौ २३ र २४ गते भएको जेनजी आन्दोलनको दमनसम्बन्धी घटनाबारे विस्तृत अध्ययन गरी सुशीला कार्की नेतृत्वको अन्तरिम सरकारसमक्ष प्रतिवेदन बुझाएको थियो।
