सर्वाेच्च अदालतका प्रधान न्यायाधीश विश्वम्भरप्रसाद श्रेष्ठले अदालत सुधारको बाटोमा हिडेको बताएका छन् ।
जिल्ला तथा नेपालगंज उच्च बार एशोसिएसनले आफ्नो स्वागतमा आयोजना गरेको कार्यक्रममा बोल्दै प्रधान न्याायधीश श्रेष्ठले अदालतमा थुप्रै सुधारका कार्यहरु भैरहेको बताए । एकाध अपवादका घटनालाई लिएर समग्रतामा दोष दिन उपयुक्त नहुने श्रेष्ठको भनाई थियो । अदालतका लागी कानून ब्यवशायी मित्र भएको उल्लेख गर्दै प्रधान न्यायाधीश श्रेष्ठले अदालतले गरेका राम्रा कामको पनि बारले प्रसम्सा गर्न सक्नु पर्नेमा जोड दिए ।
कानून ब्यवशायीले अदालत प्रति टिप्पणी गर्दा आफु कुन धरातलमा छु भन्ने कुरा बिर्सन नहुने बताउदै प्रधान न्यायाधीश श्रेष्ठले अदालत सुधारको लक्षण देखिएकाले यसमा कानून ब्यवशायीकोसाथ र सहयोग रहनु पर्ने बताए ।
सर्वोच्च अदालतमा मुद्धाको सख्या कम हुदै गएको, उच्च अदालतसम्म अटो मेसिनबाट पेशी तारेखको ब्यवस्था मिलाईएको, न्यायाधीश नियुक्तीमा सुधार भएको उल्लेख गर्दै प्रधान न्यायाधीश श्रेष्ठ कानूनमा भएको ब्यवस्था कार्यान्वयनमा आफु प्िरतवद्ध भएर लागेको बताएका थिए ।
नेपालगंज उच्च अदालत बार एशोसिएसनका अध्यक्ष चित्र बहादुर शाहीको अध्यक्षता भएको कार्यक्रममा बारका तर्फबाट नेपालगंज उच्च बारका सचिव गणेश प्रसाद शर्माले सुधार गरिनु पर्ने २६ बुदा बाचन गरि प्रधान न्यायाधीश बिश्वम्भर प्रसाद श्रेष्ठलाइ सुनाएका थिए । जसमा उच्च र जिल्ला अदालतले न्याय सम्पादनमा गरेका कमीकमजोरी, कर्मचारीका ब्यवहार, कानूनी कार्यबिधिमा सुधार, न्यायाधीश नियुक्ती, वरिष्ठ अधिवक्ताको उपाधी, अदालतका फैसलामा एकरुपता नदेखिने समस्या, फैसलाको गुणस्तर लगायतका सुधार गरिनु पर्ने पक्षमा प्रधान न्यायाधीशको ध्यानाकर्ष गराईएको थियो ।
जिल्ला बार अध्यक्ष मेहर सिंह खत्रीले स्वागत मन्तब्य दिएको कार्यक्रममा प्रधान न्याायधीश बिश्वम्भर श्रेष्ठले बाकी रहेको ५ महिनाको कार्य अवधीलाई अदालत सुधारको बाटोमा हिडाउने बताए । अदालत निरिक्षणका क्रममा गत हप्ता सुदुर पश्चिम हुदै नेपालगंज आईपुगेका प्रधान न्यायाधीश श्रेष्ठले बाँके जिल्लामा रहेका जिल्ला र उच्च अदालतको निरक्षण गरि आवश्यक निर्देशन दिएका थिए । अदालतमा मुद्धाको चाप बढेको सन्दर्भमा चर्चा गर्दै प्रधान न्याायधीशले आफुले छिटो छरितो गुणस्तरिय न्याय सम्पादनका लागी स्पष्ट निर्देशन दिएको बताउदै मिसिल ढिला आउने समस्याको तत्काल अन्त्य गर्न भनेको बताए ।
नेपालगंजका कानून ब्यवशायीलाई सम्बोधन गर्ने क्रममा आफ्नो मुख्य भूमिका र जिम्मेवारी भनेको न्याय सम्पादन भएको बताउँदै प्रधान न्यायाधीश श्रेष्ठले“न्यायपालिकाको नेतृत्व सम्हाले देखिनै आफुलाईं न्यायीक सुधार र न्यायपालिकाको श्रीवृद्धिमा समाहित गर्दै आएको बताएका थिए । आफुले पद सम्हाले पछि न्यायिक सुधारका सकारात्मक संकेतहरु र उपलब्धिहरु समेत देखा गएको र बाँकी पाँच महिनाको अबधिमा पनि आफु त्यसैमा समर्पित हुने प्रतिवद्धता जनाए । स्वच्छ, निश्पक्ष छिटोछरितो गुणस्तरीय एवं प्रभावकारी न्याय सम्पादन तथा सुशासन र विधिको शासनको प्रत्याभूति गर्दै आम नागरिकहरुको न्यायपालिका प्रतिको अपेक्षा पुरा गर्ने कसरतमा आफु भनाई प्रधान न्यायाधीशले राखेका थिए ।
नेपालगंजका कानून ब्यवशायीले सार्वजनिक सरोकारका बिषयमा भएका फैसलाहरुको सग्रह प्रकाशन गर्न लागेकोमा प्रधान न्यायाधीश श्रेष्ठले कानूनी परिधिमा रहेर संग्रह प्रकाशन गर्न सुझाएका थिए । सार्वजनिक सरोकार कानून ब्यवशायी समुहका संयोजक सुनिल कुमार श्रेष्ठ, सहसंयोजक लोक बहादुर शाह र सचिव बसन्त गौतम, कोषाध्यक्ष बल बहादुर चन्द, सदस्यहरु बिश्वजित तिवारी, बिकाश आचार्य लगायतसंगको संक्षिप्त कुराकानीका क्रममा प्रधान न्यायाधीश श्रेष्ठले अदालतले सार्वजनिक सरोकारका मुद्धालाई स्वीकार गरेको जनाउदै सार्वजनिक सरोकारका मुद्धा मार्फत नागरिक अधिकार संरक्षणमा मद्धत पुगेको बताएका थिए ।
