बाँकेमा गए राति आएको हुरीबतासले विद्युत्को पोलमा क्षति पु¥याउँदा केही स्थानीय तहमा विद्युत् आपूर्ति बन्द भएको छ । जिल्लाको डुडुवा, राप्तीसोनारी, नरैनापुरलगायतका स्थानमा विद्युत् आपूर्ति बन्द भएको नेपाल विद्युत् प्राधिकरण नेपालगञ्ज वितरण शाखाका प्रमुख जगन्नाथ लामिछानेले जानकारी दिनुभयो । उहाँले राप्तीसोनारीको जङ्गलमा रुख ढलेको र त्यसलाई हटाउन केही समय लाग्ने भएकाले विद्युत् आपूर्ति सहज गराउन समय लाग्ने बताउनुभयो । प्रमुख लामिछानेका अनुसार कोहलपुरमा नौ, डुडुवामा नौ, खजुरामा आठ र राप्तीसोनारीमा पाँच गरी ३१ विद्युतीय पोल ढलेको अवस्थामा छन् । “अझै कहाँ–कहाँ कति ढलेका छन्, विस्तृत विवरण आएको छैन”, उहाँले भन्नुभयो ।कोहलपुरको पिप्रहवामा ढलेको रुख व्यवस्थापन गरेर नेपालगञ्ज बजारमा विद्युत् आपूर्ति गरिने जानकारी दिँदै काम भइरहेकाले धैर्य गर्न स्थानीयलाई आग्रह गर्नुभयो । पर्खाल भत्केर एकको मृत्यु बाँकेको कोहलपुर–१४ स्थित हवल्दारपुरमा हुरीबतासका कारण पर्खाल भत्केर एकजनाको मृत्यु भएको छ । कोहलपुर–१४ वीरगञ्जका मीना खातुनको मृत्यु भएको बाँके जिल्ला प्रहरी कार्यालयका प्रहरी नायब उपरीक्षक नारायण डाँगीले जानकारी दिनुभयो । खातुनले स्थानीय राम्रो इन्टरप्राइजेजलगायतमा काम गर्ने गरेको प्रहरीको भनाइ छ ।
बाँकेको केही स्थानीय तहमा विद्युत् आपूर्ति बन्द
- Dainik Nepalgunj
- Categories: News
Related Content
बाँकेमा धान उत्पादन बढ्ने प्रक्षेपण
by
Dainik Nepalgunj
October 19, 2024
कावासोतीमा जीप दुर्घटना, दुई जनाको मृत्यु, २८ घाइते
by
Dainik Nepalgunj
October 19, 2024
महिला स्वास्थ्य स्वयंसेविकालाई निःशुल्क सार्वजनिक यातायात
by
Dainik Nepalgunj
October 19, 2024
४६ हजारबढी बालबालिकालाई भिटामिन
by
Dainik Nepalgunj
October 19, 2024
सडकमा ट्राफिक सचेतना कार्यक्रम
by
Dainik Nepalgunj
October 19, 2024