पूर्णिमामा रिजालको नेतृत्व

हाम्रो पूर्णिमा साहित्य प्रतिष्ठान कोहलपुरको अध्यक्ष पदमा पुष्कर रिजाल चयन भएका छन् । शनिबार भएको अधिवेशनले रिजालको नेतृत्वमा नयाँ कार्यसमिति चयन गरेको हो । नवनिर्वाचित कार्यसमितिमा के आर ओली र देवकी निरौला उपाध्यक्ष छन् । सचिव केशव निमेश, सहसचिव प्रकाशन मरासनी र कोषाध्यक्ष मणि गैरे चुनिएका छन् ।

सदस्यहरूमा बिमला खत्री, चन्द्रावति अधिकारी, गणेश पौडेल, लक्ष्मण मानव र लिला केसी रहेको निवर्तमान अध्यक्ष कपिल अञ्जानले जानकारी दिए ।