नेपाल सुनचाँदी व्यवसायी महासंघले आज सुनको मूल्य स्थिर कायम भएको जनाएको छ । महासंघले आजको मूल्यसूची सार्वजनिक गर्दै हिजो सोमबारकै मूल्यमा कारोबार भइरहेको जानकारी दिएको हो ।
आज छापावाल सुनको मूल्य तोलामा १ लाख २६ हजार रुपैयाँ छ । यस्तै, तेजाबी सुनको मूल्य तोलामा १ लाख २५ हजार ४०० रुपैयाँ कायम छ । यो मूल्य आइतबार र सोमबार पनि कायम थियो । सुनको मूल्य स्थिर रहेर कारोबारमा आएको यो लगातार तेस्रो दिन हो ।
यस्तै, आज चाँदीको मूल्यमा भने वृद्धि आएको छ । महासंघका अनुसार आज चाँदीको मूल्य तोलामा १० रुपैयाँले बढेको छ । यससँगै, चाँदीको कारोबार मूल्य तोलामा १४ सय ८५ रुपैयाँ कायम भएको छ ।
सुनको मूल्य तीन दिनदेखि स्थिर, चाँदीको बढ्यो
![](https://dainiknepalgunj.com/wp-content/uploads/2024/03/1693808833_gold_20200304130858-1200x560-wm-1200x560-1-1024x478.jpg?v=1709791227)