प्रहरीले एक थान कटुवा पेस्तोल सहित तीन जनालाई पक्राउ गरेको छ ।
नेपालगन्ज उपमहानगरपालिका वडा नं. १३ लोनियनपुरवाबाट प्रहरीले चेकजाँचका क्रममा भे ६ प ४९०२ नम्बरको मोटरसाइकलमा सवार सदराम बागवान, साकिर अलि बागवान र हुसेन बागवानलाई चेकजाँच गर्दा पेस्तोल र त्यसमा प्रयोग हुने एक थान गोली बरामद गरेको हो ।
प्रहरीले उनीहरुसँग रहेको ३ थान मोबाइल पनि बरामद गरेको छ ।
बाँके प्रहरी प्रवक्ता, प्रहरी नायब उपरीक्षक नारायण डाँगीले घटनामा थप अनुसन्धान अगाडि बढाएको जानकारी दिए ।