कर्णाली नदीमा रहेको झोलुङ्गे पुलको जाली लत्रिँदा बीच भागमै अड्किएका ११ खच्चडको जीवितै उद्धार गरिएको छ । दुई खच्चडको भने मृत्यु भएको छ । अछामको पञ्चदेवल बिनायक नगरपालिका–९ कालेकाडा र दैलेखको आठबिस नगरपालिका–६ खिड्कीजिउला जोडने झोलुङ्गे पुलको जाली लत्रिएपछि आज बिहानदेखि १३ खच्चड पुलको बीच भागमा अड्किएका थिए । खच्चडलाई पुलको जाली काटेर कर्णालीमा खसाली उद्धार गरिएको अछामका प्रहरी नायव उपरीक्षक सन्तोष पाठकले जानकारी दिनुभयो । “पुलको जाली काटेर उद्धार गर्ने क्रममा दुई खच्चडको मृत्यु भएको हो”, उहाँले भन्नुभयो–“बाँकीको डुङ्गाको सहायताले जीवितै उद्धार गर्न सफल भयौँ ।” पुलको दाँहिने तर्फको जाली लत्रिएको थियो । खट्टा जालीभित्र पसेपछि खच्चड पुलमा अड्किएका थिए । पुलको दाँहिने तर्फको भाग पुरै बाङ्गो भएको छ । उद्धारमा अछामस्थित नेपाली सेनाको गोरख बक्स गणको टोली, नेपाल प्रहरी, सशस्त्र प्रहरी बल तथा स्थानीयवासी खटिएका थिए ।
कर्णालीको झोलुङ्गे पुलमा अड्किएका खच्चडको उद्धार
- Dainik Nepalgunj

- Categories: News
Related Content
विपन्न समुदायका लागि कोहलपुरमा नमूना बस्ती निर्माण
by
Dainik Nepalgunj
March 15, 2025
‘अनाहक अभद्र व्यवहार मुद्दा नलगाउ’
by
Dainik Nepalgunj
March 13, 2025
कर्णाली प्रदेशका चार सय ४४ बालबालिका बालगृहमा
by
Dainik Nepalgunj
March 13, 2025
किशोरीहरुको चासो : बिहेबारी २० बर्षपारी
by
Dainik Nepalgunj
March 12, 2025
‘पावर सप्लाई सुधार गरिंदै’
by
Dainik Nepalgunj
March 12, 2025