प्रसिद्ध शक्तिपिठ बागेश्वरी मन्दिर क्षेत्रमा रहेको जुंगे महादेव मन्दिरको स्तरोन्नती (पुननिर्माण) निर्धारित समयमा नसकिंदा भक्तजनमा निराशा देखिएको छ । बुधबार महाशिवरात्रीको अवसरमा विगतमा जस्तो दर्शनार्थीहरुको भीड बागेश्वरी मन्दिरमा देखिएन । बागेश्वरीमा जुंगे महादेवको मन्दिर निर्माण नसकिएकाले दर्शनार्थीहरु अन्य ठाउँमा रहेका शिव मन्दिरमा दर्शनका लागि पुगेका थिए ।
सकिएको छ । गत बर्ष चैत्रमै सक्नुपर्ने निर्माण कार्य नसकिएपछि ठेकेदार कम्पनीको अनुरोधमा नेपालगन्ज उपमहानगरपालिकाले २०८१ पुस १ गते सम्मका लागि म्याद थप गरेको थियो । तर, निर्धारित समयमा पनि निर्माण सकिएको छैन ।
धार्मिक आस्थासँग जोडिएको विषय भएकाले समयमै निर्माण नसकिंदा अलोचना हुने गरेको छ । शक्तिपिठ आउनेहरू निर्मार्णाधिन संरचना हेरेर फर्किन बाध्य छन् । साउन र फागुनमा शिव आराधानाको विशेष महत्व रहेको छ । त्यसबेला शिव मन्दिर रहेको ठाउँमा पुजाअर्चना गर्न नपाउँदा दर्शनार्थी निराश हुने गरेका छन् ।
नेपालगन्ज नगर प्रमुख प्रशान्त विष्टले निर्माण कम्पनीले निर्माण कार्य करिब सकेको र आगामी चैत्र १ गते नवनिर्मित स्थलमै जुंगे महादेवको पुजाअर्चना गर्न सकिने बताएका छन् । ठेकेदार कम्पनीलाई यसबारे गरिएको फोन सम्पर्क सफल हुन सकेन । मन्दिर र पुल निर्माणका लागि विसं २०७९ चैत २ गते रु एक करोड आठ लाख ७३ हजार आठ सय ९९ मा ठेक्का सम्झौता भएको थियो । ठेकेदार कम्पनीले २०८० चैत २ गतेभित्र सम्पूर्ण काम सम्पन्न गरिसक्नुपर्ने भए पनि सुस्त गतिमा काम अघि बढेको हो । यद्यपि, निर्माण सुरु गरेपछि विभिन्न समस्याहरू आउँदा ढिलाई भएको बताइन्छ ।