उद्यम

सन् २०१६ मा नेपालगन्जका तीनजना युवा व्यवसायीहरूको संयुक्त प्रयासबाट सुरु भएको म्याट्रिक्स उड इन्डस्ट्रीज प्रा. लि. आज म्याट्रिक्स ग्रुप अफ इन्डस्ट्रीज प्रा. लि. को रूपमा परिचित छ । विगत केही वर्षमा निरन्तर प्रगति गर्दै आएको यो कम्पनीले हालै नेपालकै सबैभन्दा ठूलो रियालिटी शो सार्क ट्याङ्क नेपालमा आफ्नो प्रस्तुति दिएपछि व्यापक चासो र प्रशंसा बटुलेको छ ।

यस कार्यक्रममा कम्पनीको सीइओका हैसियतमा म र सह–संस्थापक बसन्ती रेग्मी सहभागी हुने अवसर मिल्यो । पश्चिम नेपालमा अझै पनि स्टार्टअप भन्ने शब्द कमै सुनिन्छ, त्यसैले हामीहरूले सार्कहरूसामु राखेको स्पष्ट, व्यावसायिक र उद्देश्यपूर्ण प्रस्तुति निकै सान्दर्भिक र प्रेरणादायी ठहरियो ।

हिमालय टेलिभिजनसँगै युट्युब, फेसबुक, टिकटकजस्ता सामाजिक सञ्जालमा उनका भिडियोहरू भाइरल भएका छन् । लाखौँ दर्शकले हेरेका यी भिडियोहरूमा कम्पनीको सफलताको शुभकामना दिने सकारात्मक प्रतिक्रिया वर्षिएको छ ।

हाम्रो लागि सार्क ट्याङ्क नेपालजस्तो ठूलो प्लेटफर्ममा पुग्नु नै ठूलो चुनौती थियो । पहिलो संस्करणमै सहभागी हुन पाउँदा प्रि–अडिसनदेखि लिएर कम्पनीका विवरण, बजारमा समाधान ल्याउने क्षमता, आवश्यक लगानी र त्यसको औचित्यजस्ता धेरै प्रश्नहरूको जवाफ दिनुप¥यो । सबै चरण सफलतापूर्वक पार गरेपछि ‘तपाईंहरू छनोट हुनुभयो, बधाई छ’ भन्ने आधिकारिक इमेल आयो। त्यो क्षण हाम्रो लागि अविस्मरणीय थियो ।

त्यसपछि सुटिङमा सहभागी भई हामीले आफ्नो आइडिया पिच ग¥यौँ । नन–डिस्क्लोजर एग्रिमेन्टका कारण टेलिकास्टअघि केही खुलाउन नपाए पनि, प्रसारण हुने दिन नजिकिँदै गर्दा हामीले साथीभाई र आफन्तसँगै लाइभ हेर्ने तयारी ग¥यौँ । इगल आइ सर्भिस प्रा. लि. को अफिसमा ठूलो स्क्रिन भएको थाहा पाएपछि त्यहीँ जमेर सबैले कार्यक्रम हे¥यौँ ।

टेलिकास्टपश्चात् हामीलाई विभिन्न ठाउँबाट ठूलो माया, प्रोत्साहन र उत्साह प्राप्त भयो । डिलर बन्ने प्रस्तावहरू समेत आउन थाले । अब हामी अझ जिम्मेवार र व्यवस्थित हुँदै कम्पनीलाई थप उचाइमा पु¥याउने संकल्पमा छौँ । सार्क ट्याङ्कले हामीलाई ‘तिमी पनि सक्छौ’ भन्ने आत्मविश्वास दिएको छ ।

हामीले राजधानी जानुअघि बाँके जिल्लाको सांस्कृतिक आस्था बागेश्वरी माताको दर्शन गरी लिएर गएको प्रसादसहित सार्कहरूलाई अर्पण गरेको क्षणलाई म सधैं सम्झन्छु । यसले बाँके जिल्लाको धार्मिक तथा सांस्कृतिक महत्त्वलाई राष्ट्रिय स्तरमा चिनाउने अवसर मिलेको छ ।

त्यस कठिन यात्रामा उमेश शर्मा, विवेक खड्का, सीए तेजप्रकाश दीक्षित, भोजराज तिमिल्सिनाजस्ता मित्रहरूको सहयोग तथा आयोजक तर्फबाट गौरव कडेलको मार्गदर्शन विशेष योगदान म कहिल्यै बिर्सन्न ।

राष्ट्रिय स्तरमा बाँकेको प्रतिनिधित्व

सार्क ट्याङ्क नेपालमा देशभरिबाट १ हजार ५ सय भन्दा बढी आवेदन परेका थिए, तर १ सय २० जना मात्र अन्तिम चरणसम्म पुग्न सके। लुम्बिनी प्रदेशबाट तीनवटा व्यवसाय छनोट भएका मध्ये बाँके–बर्दिया क्षेत्रबाट प्रतिनिधित्व गर्ने एक मात्र कम्पनी थियो म्याट्रिक्स ग्रुप अफ इन्डस्ट्रीज प्रा. लि. ।

यस सहभागिताले यहाँका अन्य स्टार्टअपलाई पनि प्रेरित गरेको छ— ‘हामी पनि सक्छौँ’ भन्ने आत्मविश्वास दिलाएको छ । साथै, कार्यक्रममै बागेश्वरी माताको वर्णन आउनु आफैंमा आन्तरिक पर्यटन प्रवद्र्धनतर्फको महत्त्वपूर्ण टेवा भएको बाँकेबासीले अनुभव गरेका छन् ।

म्याट्रिक्स ग्रुप अफ इन्डस्ट्रीज प्रा. लि. को यो यात्राले के देखाउँछ भने—सपना, श्रम, दृढता र सहकार्य भए असम्भव केही हुँदैन । स्थानीय स्तरबाट सुरु भएको व्यवसाय आज राष्ट्रिय मञ्चमा उभिन सफल भएको छ, र बाँके जिल्लाको नाम देशभर उजागर गरेको छ ।

मलाई लाग्छ, यस सफलतापछि बाँकेका नागरिक मात्र होइन, देशभरका युवाहरूले पनि यो कम्पनीलाई ‘प्रेरणादायी स्टार्टअप’ का रूपमा हेर्ने गरेका छन् । ( म्याट्रिक्स ग्रुप अफ इन्डस्ट्रीज प्रा. लिका प्रवन्ध निर्देशक हुन्)