जेनजी आन्दोलनपछिको मुलुक कता ?
नेपालगन्ज डिस्कोर्षको पाँचौं श्रृंखला भोलि विहीवारदेखि हुँदैछ । नेपालगन्ज कनक्लेभको यो संस्करणमा विभिन्न पाँच सत्रमा बहस तय गरिएको आयोजना निर्देशक जनक नेपालले जनाए । यसै अवसरमा यसबर्ष ‘फाइनप्रिन्ट फिभर’ पनि सँगै हुँदैछ ।
कनक्लेभको अघिल्लो दिन विहीवार नेपालगन्ज महानगरको सपनामा बहस गरिंदैछ । खेलकुद र खेल डकुमेन्ट्रीसहित हुने बहसमा नेपालगन्जको भविष्य खोतलिने छ । शनिवार ११ औं धारा नेपालगन्ज म्याराथन हुने निश्चित छ ।
जेनजी विद्रोहपछिको मुलुक कता ? अन्योल र अवसरबारे राष्ट्रिय बहस सिर्जना गरिने शुक्रवारको पहिलो सत्रमा पछिल्लो राजनीतिक परिवर्तन र परिस्थितीबारे सरोकारवालाहरु गम्भीर विमर्श गर्दैछन् । जसलाई वरिष्ठ चिकित्सक डा. बद्री चापागाईंले सहजीकरण गर्दैछन् । विद्रोह र पछिको परिस्थितीलाई समाजशास्त्रीय दृष्टिकोण खोतल्ने प्रयाससमेत हुने यो सेसनमा समाजशास्त्री राम गुरुङ, जेनजी नेतृ रक्षा बम, युवा उद्यमी मञ्चका अध्यक्ष सूदीप घिमिरे र मिस नेपाल लुना लुईंटेल प्यानलिष्टका रुपमा तय गरिएको निर्देशक नेपालले बताए ।
नेपालगन्जमा आर्थिक राजधानीकाृ नारा र सम्भावनाबारे पनि बहस गरिंदैछ । भने, डिजिटल युगको दोधारः प्रविधि वरदान की चुनौतीसँग जोडिएर विषय विज्ञको प्रस्त्तिकरण सबैका लागि उत्तिकै लाभदायक हुने निर्देशक नेपालको भनाइ छ ।
कनक्लेभमा पुस्तक र साहित्य सम्बन्धि सेसनहरु फाइनप्रिन्ट फिभरमार्फत गरिंदैछ । कनक्लेभमा बरिष्ठ अभिनेता राजेश हमालसँग पत्रकार पवन आचार्यले संवाद गर्नेछन् । हमालको यसबर्ष ‘युगदेखि युगसम्म’ पुस्तक प्रकाशित छ । फाइनप्रिन्ट फिभरमा स्वस्पर्श कृतिका लेखक डा. नवराज केसी, चमेलीको फूल बैजनी रुमाल कृतिका लेखक सुबिन
