नेपाल र भारतबीचको सीमावर्ती आवागमनलाई सहज बनाउँदै भारतीय पर्यटकलाई नेपाल भित्र्याउने उद्देश्यले आज शनिवार शनिवार नेपालगन्जमा ‘क्रस बोर्डर टुरिज्म कन्क्लेभ’ गरिंदैछ ।
नेपाल पर्यटन बोर्डले नाट्टा बाँके च्याप्टरसँगको सहकार्यमा तीन दिनसम्म सञ्चालन हुने यो कार्यक्रममा नेपालगन्जलाई नेपालको पश्चिमी पर्यटन प्रवेशद्वारका रूपमा विकास गर्ने विषयमा विभिन्न चरणका बहस हुनेछन् । कार्यक्रममा सीमा नाकामा यात्रु सहजीकरण, अध्यागमन प्रक्रिया सरल बनाउने, यातायात सञ्जाल सुदृढ गर्ने तथा संस्थागत समन्वय मजबुत बनाउने विषयलाई प्राथमिकता दिइने नाट्टा बाँके च्याप्टरका संस्थापकसमेत रहेका ‘क्रस बोर्डर टुरिज्म कन्क्लेभ’का संयोजक श्रीराम सिग्देलले जानकारी दिए ।
नाट्टा बाँकेका अध्यक्ष डिल्लीराज रेग्मीका अनुसार, ‘क्रस बोर्डर टुरिज्म कन्क्लेभ’मा सहभागी हुन भारतीय टुर अपरेटरहरुको टोली नेपालगन्ज आइसकेको छ । भारतीय पत्रकारसमेतको उनीहरुको टोलीलाई अध्यक्ष रेग्मीसहितको टोलीले जमुनाहमा स्वाग गरेको महासचिव भागिराम ओलीले जानकारी दिए । उनका अनुसार, प्यानल डिस्कसनसँगै विटूबी, प्रपर्टी भिजिट, बाँके राष्ट्रियष् निकुञ्जमा जंगल सफारीलगायतका कार्यक्रमयसबीच हुनेछन् ।
कार्यक्रमअन्तर्गत आज शनिवार पहिलो सत्रमा नेपाल र भारतबीचको सीमापार पर्यटन कनेक्टिभिटी मजबुत बनाउने उपायहरूमा छलफल गरिंदैछ । ‘उत्तर प्रदेशका पर्यटन बोर्ड, सशस्त्र सीमा सुरक्षा बल तथा लखनउस्थित टुर एण्ड ट्राभल्स एसोसिएसनका प्रतिनिधि र नेपालतर्फ लुम्बिनी प्रदेश पर्यटन विकास परिषद्, बाँके प्रहरी प्रशासन तथा होटल तथा ट्राभल व्यवसायीहरूको सहभागिता रहने योजना छ,’ कार्यक्रम संयोजक सिग्देलले भने ।
यसपटक ‘वेडिङ डेस्टिनेशन नेपालगन्ज’ अवधारणामाथि छलफल गरिंदैछ । ‘कम लागत, नजिकको दूरी, सांस्कृतिक समानता र उपलब्ध पूर्वाधारका कारण नेपालगञ्ज भारतीय बजारका लागि आकर्षक विवाह गन्तव्य बन्न सक्ने भएकाले यसतर्फ हाम्रो जोड हो,’ यसका लागि नीति सुधार, सेवा सहजीकरण र संयुक्त प्रचारमा सहकार्य आवश्यक रहेको टिप्पणी गर्दै संयोजक सिग्देलले भने, ‘सरकारी निकाय सकारात्मक बनिदिनुप¥यो ।’ ‘यो कार्यक्रमले नेपाल–भारत पर्यटन सहकार्यलाई नयाँ उचाइमा पु¥याउने अपेक्षा गरिएको छ,’ कार्यक्रम संयोजक सिग्देलले दैनिक नेपालगन्जसँग भने ।
