नेपाली कांग्रेसको तर्फबाट बाँके क्षेत्र नम्बर २ का युवा उम्मेदवार शुधान्सु कोइरालाले सीमा क्षेत्रमा बसोबास गर्ने नागरिकका समस्यालाई दुई देशबीच संवाद गरेर समाधान गर्नुपर्ने बताएका छन् । नेपाल–भारत सिमाक्षेत्रमा बसोबास गर्ने नेपाली नागरिकले अनेकौं समस्या भोग्नु परिरहेको भन्दै यसको दिर्घकालीन समस्या समाधान गर्नका लागि दुई देशबीच कुटनीतिक पहल थालिनुपर्ने धारणा राखे ।
आगामी फागुन २१ गते हुन लागेको प्रतिनिधि सभा सदस्य निर्वाचनका लागि आज नेपालगन्ज उपमहानगरपालिका वडा नम्बर १५ मा घरदैलो गर्न पुगेका उम्मेदवार कोइरालाले आफू निर्वाचित भएपछि सिमावर्ती क्षेत्रका बासिन्दाका समस्या समाधान गर्न आवश्यक पहल गर्ने प्रतिवद्धता जनाए । कोइराला घर–घरमा पुग्दा मतदाताहरु उत्साहित हुँदै स्वागत तथा सत्कार गरेका थिए । उनीहरुले बाँके क्षेत्र नम्बर २ ले खोजेको युवा उम्मेदवार कोइरालालाई नै पाएको भन्दै जितको अग्रिम शुभकामना दिएका थिए ।
घरदैलोका क्रममा उम्मेदवार कोइरालासँगै नेपाली कांग्रेसका महासमिति सदस्य एवम् पार्टीका अगुवा नेता राजकुमार बर्मा, नेपाली कांग्रेस नेपालगन्ज–१५ का सभापति जाबिर अलि बेहना, नेपाली कांग्रेस नेपालगन्ज–१४ का वडा सभापति सञ्जय बर्मा, पार्टीका युवा नेता ओम चौहान, सन्तोष मिश्र, नेपाल मुस्लिम संघका केन्द्रिय सदस्य एवम कांग्रेसका युवा नेता साहिल हल्वाई, मुस्लिम संघ बाँकेका जिल्ला सहसचिव रबिसा शर्मा हल्वाई लगायत वडा स्तरमा नेता तथा कार्यकर्ताहरुको उपस्थिति रहेको थियो ।
त्यसअघि उम्मेदवार कोइरालाले मातृ शोकमा रहेका नेपाली कांग्रेस बाँकेका पूर्व उपसभापति एवम् अगुवा नेता सुनिल नरसिंह राणा, पार्टीका नेता सुदिप नरसिंह राणा र अनिल नरसिंह राणाको परिवारलाई निवासमै पुगेर समवेदना प्रकट गरेका थिए ।
