७९ मध्ये ४९ विद्यार्थी ए प्लस (A+) सहित उत्कृष्ट नतिजा, सम्पूर्ण विद्यार्थीलाई विद्यालय परिवारको बधाई
गोल्डेन एबिसी एकेडेमीले यस वर्षको परीक्षाफलमा उत्कृष्ट सफलता हासिल गर्दै फेरि एकपटक आफूलाई बाँकेकै उदाहरणीय विद्यालयका रूपमा स्थापित गरेको छ ।
नेपालगन्ज उपमहानगरपालिका–४, सल्यानिबागमा अवस्थित गोल्डेन एबीसी एकेडेमीबाट परीक्षामा सहभागी भएका कुल ७९ जना विद्यार्थीमध्ये ४९ जनाले ए प्लस (A+), २९ जनाले ए (A) तथा १ जनाले बी प्लस(B+) ग्रेड प्राप्त गरेका छन् । विद्यालयको यस शानदार उपलब्धिसँगै विद्यालय परिवार, अभिभावक तथा विद्यार्थीहरूमा खुसी र उत्साह छाएको छ ।
विद्यालयका प्रबन्ध निर्देशक विकास बहादुर सिंह ले विद्यालयले गुणस्तरीय शिक्षा, अनुशासन, आधुनिक शिक्षण पद्धति तथा विद्यार्थीमैत्री वातावरणलाई प्राथमिकतामा राख्दै आएको कारण हरेक वर्ष उत्कृष्ट नतिजा हासिल गर्न सफल भइरहेको बताए । उनले मेहनती विद्यार्थी, समर्पित शिक्षक, अभिभावक तथा सम्पूर्ण विद्यालय परिवारप्रति आभार व्यक्त गर्दै सबै सफल विद्यार्थीहरूलाई हार्दिक बधाई तथा उज्ज्वल भविष्यको शुभकामना दिएका छन् ।
त्यस्तै विद्यालयकी फाउण्डर प्रिन्सिपल मधु सिंह खत्री ले गोल्डेन एबीसी एकेडेमी बाँकेमै गुणस्तरीय शिक्षाको प्रतीक बन्दै गएको उल्लेख गर्दै यस सफलताले सम्पूर्ण विद्यालय परिवारलाई गौरवान्वित बनाएको बताइन् । उनले विद्यार्थीहरूको निरन्तर मेहनत, शिक्षकहरूको समर्पण र अभिभावकहरूको विश्वासकै कारण विद्यालयले उल्लेखनीय उपलब्धि हासिल गर्न सफल भएको प्रतिक्रिया दिइन् ।
विद्यालयले आधुनिक तथा प्रविधिमैत्री शिक्षण प्रणाली, दक्ष शिक्षक टोली, अनुशासित शैक्षिक वातावरण र विद्यार्थीहरूको सर्वाङ्गीण विकासलाई विशेष प्राथमिकता दिँदै आएको जनाएको छ । शैक्षिक उपलब्धिसँगै अतिरिक्त क्रियाकलाप, नेतृत्व विकास तथा नैतिक शिक्षामा समेत विद्यालयले विशेष ध्यान दिँदै आएको कारण गोल्डेन एबीसी एकेडेमी अभिभावकहरूको पहिलो रोजाइ बन्न सफल भएको विद्यालय प्रशासनको भनाइ छ ।
यस शानदार नतिजापछि विद्यालय परिवारले सम्पूर्ण सफल विद्यार्थीहरूलाई हार्दिक बधाई ज्ञापन गर्दै आगामी शैक्षिक यात्राका लागि सफलताको शुभकामना व्यक्त गरेको छ ।