नेपालगन्ज उपमहानगरपालिका वडा नं. १८ ले आज शुक्रबार आफ्नो वडाभेला आयोजना गर्ने भएको छ ।
वडाध्यक्ष दिपक कुमार बर्माका अनुसार, विगतका योजनाको समीक्षा र आगामी आर्थिक बर्षको योजना निर्माणका लागि वडाबासीलाई प्रत्यक्ष सहभागी गराउँदै योजना तर्जुमा सम्बन्धी वडाभेला गर्न लागिएको हो ।
‘नियमित वडाभेला तथा योजना तर्जुमामा वडाबासीलाई प्रत्यक्ष रूपमा सहभागी गराउँदै आएका छौं’, बर्माले शुक्रबारको भेला त्यसैका लागि आयोजना गरिएको जानकारी दिंदै भने, ‘वडाबासीको माग र आवश्यकताका आधारमा योजना बनाउने गरिएको छ ।’
