बाँकेमा दुई जना लागुऔषध ब्राउनसुगर सहित पक्राउ परेका छन् । जिल्ला प्रहरी कार्यालय बाँके र लागुऔषध नियन्त्रण ब्यूरोको टोलीले लागुऔषधको कारोबारको सूचना पाएपछि अनुसन्धान अगाडि बढाउँदै ठूलो परिणाममा लागुऔषध सहित दुई जना पक्राउ गर्न सफल भएको जानकारी दिएको छ ।
प्रहरीका अनुसार, नेपालगन्ज उपमहानगरपालिका वडा नं. ९ पिलानिपुरवाबाट नेपालगन्ज वडा नं. १३ वस्ने रहिस कवाडिया को साथबाट ९६ ग्राम ४९० मिलि ग्राम ब्राउन सुगर सहित फेला परेका हुन् । प्रहरी सोही ठाउँबाट नेपालगन्ज–१६ जयसपुरका बदरुदिन जसगढलाई पनि नियन्त्रणमा लिएको जानकारी दिएको छ । जिल्ला प्रहरी कार्यालय बाँकेले लागुऔषध सहित पक्राउ परेका दुवै जनाविरुद्ध थप अनुसन्धान अगाडि बढाएको जानकारी दिएको छ ।
