भन्सार छलेर, चोरी निकासी गरी अवैधरूपमा नेपाल भित्र्याइएका ६ क्विन्टल माछा प्रहरीले बरामद गरेको छ । बुटवल उपमहानगरपालिका-११ योगीकुटी चोकबाट प्रहरीले मरेका माछा बरामद गरेको हो ।
भन्सार छलेर, चोरी निकासी गरी अवैध रूपमा माछा ओसारपोसार भइरहेको छ भन्ने सूचनाको आधारमा ईलाका प्रहरी कार्यालय बुटवलबाट खटिएको टोलीले माछा बरामद गरेको प्रहरीले जनाएको छ । प्रहरीका अनुसार माइक्रो बसहरू चेकजाँच गर्ने क्रममा भैरहवाबाट बुटवलतर्फ आउँदै गरेका बसहरूको पछाडि डिक्कीमा लुकाइछिपाई राखेका प्लास्टिकको आठ बोरा माछा बरामद गरिएको छ ।
