नेपालगन्जको घरबारी टोलमा रहेको न्यू माया इलेक्ट्रोनिक्स पसलमा आगलागी भएकाे छ । उक्त आगलागीमा करिब ९६ लाख रुपैयाँ बराबरको क्षति भएको पसलका सञ्चालक उमेशकुमार कसौंधनले जानकारी दिए ।
मंगलबार राति करिब १२ः३० बजेतिर सर्ट सर्किट भएर आगलागी भएको उनकाे भनाइ छ । दमकल, प्रहरी र स्थानीय बासिन्दाले पुगेर केही बेरमै आगोमा नियन्त्रण पाए पनि पसलभित्रको सबै सामान जलेर खरानी भइसकेको उनले बताए ।
