- नेपाली कांग्रेसका सभापति शेरबहादुर देउवाले राष्ट्रियसभामा कांग्रेस संसदीय दलको नेता पदमा कृष्णप्रसाद सिटौलालाई मनोनयन गरेका छन् । शनिबार देउवाले सिटौलालाई राष्ट्रियसभामा कांग्रेसका संसदीय दलको नेतामा मनोनयन गरेका हुन् ।
- तराईमा धान खेती गरिरहेका नेपाल कम्युनिष्ट पार्टीका महासचिव नेत्र विक्रम चन्द (विप्लव)ले जुम्लाको चन्दननाथ २ हाडुल्लेमा स्याउ रोपणको कार्यक्रमको थालनी गरेका छन् । स्याउ रोपणको उद्घाटनसँगै सहभागीहरुलाई सम्बोधन गर्दै महासचिव विप्लवले तीन वर्षभित्र पार्टीलाई आत्मनिर्भर पार्टी बनाउँदै चन्दामुक्त पार्टी बनाउने प्रतिबद्धता व्यक्त गरेका छन् ।
- राष्ट्रिय आविष्कार केन्द्रका संस्थापक महावीर पुन किताब बेच्दै दाङ पुगेका छन् । आफ्नै जीवनीमा आधारित ‘महावीर पुन’ नामक किताब बेच्न उनी दाङको तुलसीपुर पुगेका हुन् । वीरगञ्जमा कृषि औजार कारखाना स्थापना गर्ने उद्देश्यले उनी किताब बेचिरहेका छन् ।
- कर्णाली प्रदेश सरकारले रासायनिक विषादीमुक्त सप्ताह शुरु गरेको छ । विषादीको प्रयोग बढ्दै गएको भन्दै त्यसलाई घटाउन एक हप्तासम्म विषादीसम्बन्धी जनचेतनामूलक कार्यक्रम गर्दै सप्ताह शुरु गरेको हो ।
- कालीकोटमा करेन्ट लागेर दुईजनाको मृत्यु भएको छ । नरहरीनाथ गाउँपालिका–८ मा करेन्ट लागेर शनिबार बिहान लालुका गाउँका ४३ वर्षीय केशवराज थापा र उनका २७ वर्षीय भतिज गंगा थापाको मृत्यु भएको हो ।
- बुद्धमार्गमा हिँड्ने पहिलो खुट्किलोका रूपमा हेरिने श्रामणेर (अल्पकालीन) भिक्षुका लागि शनिबार लुम्बिनीमा प्रब्रज्या कार्यक्रम गरिएको छ । मायादेवी मन्दिर परिसरमा एकै दिन १२ सय ५० जना अल्पकालीन भिक्षुहरूले पहेँलो चीवर लगाएर बुद्ध धर्मका विभिन्न १० वटा शिलाहरू पालना गरी प्रब्रज्यामा सहभागिता जनाएका हुन् ।
- दार्मा गाउँपालिका–५ ढाकाडामस्थित सामुदायिक स्वास्थ्य ईकाई केन्द्र चार महिनादेखि बारीको डिलमा टेन्टमूनि संचालन हुँदै आएको छ । जाजरकोटको रामीडाँडा केन्द्रबिन्दु भएर कात्तिक १७ गते शुक्रबार गएको भूकम्पका कारण भवन क्षति भएपछि केन्द्र टेन्टको भरमा चलाउनु परेको हो ।
- र, वरियतामा आफूभन्दा निकै कमजोर टिम हङकङसँग विर्सनलायक प्रदर्शन गर्दै नेपाल ७३ रनले पराजित भएको छ । आज भएको मैत्रीपूर्ण टि–२० खेलमा बलिङ र ब्याटिङ दुबैमा नेपाली खेलाडीले निकै फितलो प्रदर्शन गर्दै फराकिलो अन्तरले पराजित भएको हो ।
