घोराहीमा टिपरको ठक्करबाट एक साइकल यात्रीको मृत्यु भएको छ । घोराहीबाट लमहीतर्फ जाँदै गरेको नम्बर नखुलेको टिपरको ठक्करबाट घोराही उपमहानगरपालिका–१७ भैंसाहीका ४५ वर्षीय कालीप्रसाद चौधरीको मृत्यु भएको हो ।
साइकलमा सवार चौधरीलाई टिपरले शुक्रबार राति घोराही–१७ सिस्नेखोलामा ठक्कर दिएको थियो । ठक्करबाट घाइते चौधरीको उपचारका क्रममा राति नै राप्ती स्वास्थ्य विज्ञान प्रतिष्ठान घोराहीमा मृत्यु भएको हो घटनापछि स्थानीयले घोराही-लमही सडक अवरुद्ध गरेका छन् । अहिले टिपरको खोजी भइरहेको र सडक खुलाउने प्रयास जारी रहेको जिल्ला प्रहरी कार्यालय दाङका सूचना अधिकारी डीएसपी जनकबहादुर मल्लले बताए ।
