वरिष्ठ कम्युनिष्ट नेता मोहन वैद्य (किरण) नेपालगन्ज आइपुगेका छन् । आइतबार नेपालगन्ज आइपुगेका क्रान्तिकारी कम्युनिष्ट पार्टी नेपालका प्रमुख किरणले राजनीतिक भेटघाट सुरु गरेको सो पार्टीका नेता दिपक शाहीले जानकारी दिए ।
‘किरणले बाँके स्थित कम्युनिष्ट पार्टीका विभिन्न घटक नेताहरूसँग छलफल र भेटघाट गर्नुभएको छ’, शाहीले दैनिक नेपालगन्जसँग भने, ‘समसामयिक राजनीतिक घटनाक्रमसँग जोडिएर छलफल र भेटवार्ता भएको हो ।’
विभिन्न समूहमा विभाजित कम्युनिष्टहरूबारे आज सोमबार नेपालगन्जमा बहस आयोजना गरिंदैछ । सोही बहसका प्रमुख वक्ताका रूपमा आमन्त्रित वरिष्ठ कम्युनिष्ट नेता किरण राजनीतिक भेटघाटमा सक्रिय भएका हुन् । जन आन्दोलन दिवसको सन्दर्भमा हर्क बहादुर शाही स्मृति फाउण्डेसनले कार्यक्रमको आयोजना गरेको हो ।
