नेपालगन्जको सुर्खेतरोडमा केहीबेर अगाडि एउटा स्कारपियो दुर्घटनामा परेको छ ।
तिव्र गतिमा विपीचोक तर्फ जाँदै भे १ च ४३८५ नम्बरको स्कारपियो भारतीय नम्बरको ट्रकसँग ठोकिंदा दुर्घटनामा परेको हो ।
डायमण्ड होटल अगाडिको रोड क्रसिंगमा स्कुटर देखेर एक्कासी बे्रक हानेको ट्रकको पछाडि स्कारपियो ठोक्किएको प्रत्यक्षदर्शीले बताए ।
घटनामा कम्तिमा दुई जना घाइते भएका छन् । एक जनाको अवस्था गम्भीर रहेको प्रत्यक्षदर्शीको भनाइ छ ।
घटनास्थल पुगेको प्रहरीले दुर्घटनामा परेको स्कारपियो र ट्रक नियन्त्रणमा लिएको छ । ठक्कर पछि भागेको भारतीय नम्बरको ट्रकलाई प्रहरीले भन्सार नजिकबाट नियन्त्रणमा लिएको जिल्ला प्रहरी कार्यालय बाँकेले जनाएको छ ।
