भन्सार छलेर भित्र्याइएको प्याज सशस्त्र प्रहरीले बरामद गरेको छ । सशस्त्र प्रहरी बल नेपाल नम्बर २९ गण हेक्डक्वाटर ज्वालामाई गण भालुबाङले आठ हजार किलो प्याज बरामद गरेको हो ।
पाँच लाख ५२ हजार मूल्य बराबरको प्याज र एउटा ट्रक आज बिहान बरामद गरेको एसपी गोपालप्रसाद श्रेष्ठले जानकारी दिए । शितगंगा नगरपालिका-८ सातमारामा कपिलवस्तुबाट घोराहीतर्फ जाँदै गरेको रा२ख ५३६ नम्बरको ट्रक बरामद भएको हो ।
‘नक्कली बिलबिजग बनाएर प्याज ल्याइको देखियो । भन्सार छरेर ल्याइएको प्याज फेला परेपछि कारबाहीको लागि राजश्व अनुसन्धान कार्यालयमा पठायौं,’ एसपी श्रेष्ठले भने, ‘राजमार्ग सुरक्षाका लाग आइआरटी स्थापना छ । २४ घण्टा जाँच गर्दै आएको छ ।’
