ब्राइटल्याण्ड स्कुलले आज बिहीबार आफ्ना विद्यार्थीहरूको प्रतिभा उजागर गर्न विभिन्न कार्यक्रमको आयोजना गरेको छ ।
विद्यालयका संस्थापक विजय लामाका अनुसार, विज्ञान प्रदर्शनी, खेलकुद उत्सव र फुड फेष्टिबल आयोजना गरिएको हो ।
प्रदर्शन अवलोनका लागि जिल्ला शिक्षा समन्वय इकाइ बाँकेका प्रमुख राम सुरेश यादव, प्याब्सन बाँके अध्यक्ष यम रावत लगायत शिक्षा क्षेत्रका व्यक्तिहरु पुगेका थिए ।
विद्यालयले पहिलो पटक अभिभावकहरूलाई निम्त्याएर प्रदर्शनी आयोजना गरेको हो ।
ब्राइटल्याण्ड आफ्नो विद्यालय भित्रका विभिन्न विद्यार्थी समूहहरू बीच गरिने विज्ञान प्रदर्शनीले आपसी ज्ञान निखार्न प्रतिभा उजागर गर्न सहयोग पुग्ने विश्वास गरेको संस्थापक लामाको छ ।
‘विद्यालयमा तमाम बालबालिका क्षमतावान छन्’, लामाले दैनिक नेपालगन्ज सँग भने, ‘उनीहरूलाई एकसाथ आफ्ना प्रतिभा उजागर गर्ने अवसरका लागि यो आयोजना गरिएको हो ।’
