युनिक नेपाल लघुवित्त वित्तीय संस्था लिमिटेडको तेस्रो विशेष साधारण सभा सम्पन्न भएको छ । वित्तीय संस्थाको केन्द्रीय कार्यालय कोहलपुर, बाँकेमा आयोजित सभामा संस्थापक तथा सर्वसाधारण शेयरधनीहरुको भौतिक उपस्थितिका साथै विभिन्न स्थानबाट रियल टाइम अनलाइन जुम प्रविधिबाट सहभागिता रहेको थियो ।
साधारण सभाले युनिक नेपाल लघुवित्त वित्तीय संस्था, जीवन विकास लघुवित्त वित्तीय संस्था र मानुषी लघुवित्त वित्तीय संस्था बीच एक आपसमा गाभ्ने÷गाभिने सम्बन्धमा सञ्चालक समितिको तर्फबाट अध्यक्षले प्रस्तुत गरेको विशेष प्रस्ताव सहितको प्रतिवेदन सर्वसम्मतिले पारित गरेको छ । निर्णय भएसँगै युनिक नेपाल र जीवन विकासमा गाभिने सुनिश्चित भएको हो ।
यसै गरी मर्जरको सम्बन्धमा हालसम्म भएको निर्णयहरु तथा काम कारबाहीहरु, खर्च रकम, लेखापरीक्षकको नियुक्ति तथा पारिश्रमिक अनुमोदन गर्ने, सम्पति, दायित्व र कारोबारको मूल्यांकन (म्गभ म्ष्ष्निभलअभ ब्गमष्त –म्म्ब्० प्रतिवेदनको आधारमा तय गरिएको युनिक नेपाल, जीवन विकास र मानुषीको शेयर आदान प्रदान अन’पात क्रमशः १ः१ः०.८१ सम्बन्धमा सञ्चालक समितिको निर्णय अनुमोदन गर्ने, मर्जर सम्बन्धमा तयार पारिएको अन्तिम सम्झौता पत्र र व्यवसायिक योजना तथा प्रक्षेपण स्वीकृत गर्ने र मर्जर सम्बन्धी थप कार्य गर्न सञ्चालक समितिलाई अख्तियारी दिने लगायतको निर्णय पनि पारित भएको छ ।
विशेष साधारण सभामा संस्थापक सेयरधनी तथा सर्वसाधारण सेयरधनीहरुको भौतिक रुपमा तथा रियल टाइम अनलाईन जूम प्रविधिबाट र प्रोक्सी मार्फत जम्मा ६४.३७ प्रतिशत शेयर कित्ता धारण गरेका धनीहरुको उपस्थिति रहेको थियो । विशेष साधारण सभामा पेश भएका सबै प्रस्तावहरु सर्वसम्मतिबाट पारित भएको थियो ।
संचालक समिति अध्यक्ष श्री शिव बहादुर चौधरीको अध्यक्षतामा उक्त विशेष साधारण सभा सम्पन्न भएको थियो ।
